Rêvebirê Giştî yê Kulturî û Hunerî yê Dihokê Adil Hesen ragihand ku li ser fermana Wezareta Kulturê ya Herêma Kurdistanê ji aliyê hunermendekî kurdê Îranê ve peykerê helbestvanê mezin ê Cegerxwîn hatiye çêkirin.

Hesen got: "Peykerê Cegerxwîn ji aliyê Wezareta Kulturê ve wekî diyarî pêşkêşî parêzgeha Dihokê hatiye kirin û me jî ev peyker li bînaya Yekîtiya Nivîskarên Kurd a Dihokê daniye û me komîsyoneke ji bo destnîşankirina cihekî berçav li parêzgehê ji bo danîna peyker pêk aniye.”

Li gor nûçeya Kurdistan TV'ê Hesen da zanîn ku giraniya peykerê Cegerxwîn 14 ton û 4.30 m ye û gelek kes dibêjin bila  peykerê Cegerxwîn li teniştê peykerên Sadiq Bihaedînê Amêdî û Mela Enwerê Mayî li ber derê Yekîtiya Nivîskarên Kurd li Dihokê bê danîn. Biryara dawîn a ji bo cihê danîna peykerê Cegerxwîn dê di van nêzîkan de bê dayîn.

Ji PUKmedia hatiye girtin