Diyarname
Ji duh êvarê de bi dehan balîna û yûnûs xwe li qeraxa başûrê Avusturalyayê didin.

Li Eyaleta Tasmania ya Avusturalyayê, li qeraxa Naracoopa ya Grava King ji duh de 194 balînayên pîlot û 12 heb yûnûsan xwe li qeraxê da. Kes nizane masiyan çima xwe li qeraxê dane, lê sewalparêz û rayedarên gravê ji bo parastina wan di nav hewldanê de ne.

Rayedarê Parkên Tasmania û Xizmetkarê Jiyana Wehşî Chris Arthur da zanîn ku ji dema ku hewldanên ji bo rizgarkirina wan dest pê kiriye wan 54 balîna û 7 yûnûs ji telefbûnê rizgar kirine. Arthur got ku komeke rizgarker û bi qasî 10 sewalparêzî 48 sewal dîsa berê wan daye avê û ew rizgar kirine.

Rayedar didin zanîn ku xweliqeraxê xistina balîna û yûnûsan tişteke ku ew ne li bendê bûne.

Di nav çend mehan de ev çaremîn car e hin yûnûs xwe li qeraxê didin û kes nizane serema vê yekê çi ye. Bi giştî dema koça balîna û yûnûsan de bûyerên bi vî rengî pêk tê lê sedema xwe li qeraxê dayînê kes nizane çi ye