Diyarname
Hevserokê BDP'ê Selahattin Demirtaş li Amedê piştî civîna komê ragihand ku ew di 1'ê kewçêrê de beşdarî xebatên meclisê dibin.

BDP'ê di hilbijartina 12'yê pûşperê de 36 mebûs bi dest xistibû, ji ber mebûsên ku hatibûn hilbijartin ew serbest nehatibûn berdan û ji ber betalkirina mebûsiya Hatip Dicle çûyîna meclisê boykot kiribû.
Di ev çend mehên borî de gelek tişt guherîn. Piraniya rewşenbîran neçûyîna meclisê ya BDP'ê mafdar dît. Di vê dema dawî de jî hem ji nav raya giştî ya kurd (her çiqas hê jî hin nexwazin BDP here meclisê jî), ji raya giştî ya Tirkiyeyê jî piraniya rewşenbîr dixwazin ku BDP'ê di 1'ê kewçêrê de beşdarî vekiriba serdema nû ya meclisê bibe û xebatên xwe di meclisê de bidomîne. Her wiha ji ber ku di vê payîzê de nîqaşa li ser çêkirina Zagoneke Bingehîn a nû jî dê çêbe, raya giştî dixwaze BDP jî di nav vê xebatê de be.
Ji bo biryar bidin ku mebûsên BDP'ê herin meclisê yan na koma BDP'ê îro li Amedê civiya. Di civînê de gelek nîqaş kir.
Berî civînê Kongreya Civaka Demokratîk bang li BDP'ê kir ku here meclisê.
Piştî civînê Hevserokê BDP'ê Selahattin Demirtaş derket pêşberî çapemeniyê, metna ku navê "Ji bo gel deklerasyona me ya eşkere ye" xwend. Demirtaş got ku di 1'ê kewçêrê de ewê beşdarî xebatên meclisê bibin.

Vane hin gotinên Demirtaş:
- Digel hemû zehmetî, îşkenceyên li kuçeyan, bindava hilbijartinê ya sedî 10, digel rezaleta vetoyê jî gel bi şev û roj xebitî û 36 mebûsên xwe hilbijartin.
- Bloka Ked, Demokrasî û Azadiyê di kurtedemê de bû hêviya Tirkiyeyê. We wekî Halli İbrahim Oruç hewce bike jiyana xwe jî da, ji bo vê em careke din sipasî dikin. Piştî hilbijartina 12'yê pûşperê hêviya zagoneke nû û aştiyê ew qas mezin bûbû, lê destên qirêj careke din ketin nav tevgerê. Mebûsiya Hatip Dicle hate betalkirin. Berdama mebûsên girtî hat redkirin. Protokolên Ocalan hatin redkirin. Gava tasviyekirinê dan dest pê kirin. Berpirsê vê yekê hikumeta AKP'ê ye.
- Biryara boykotê ku me girtibû mafdar û meşrû bû, loma derdora blokê ev yek bi awayekî erênî qebûl kiribû. Ji dêvla ku AKP êrîşa BDP'ê bike, gavên pratîk biavêta dê baş ba. Ji bo şer ji nû ve dest pê neke, hikumet gavan bavêje BDP'ê biryara boykotê da. Lê AKP cidî tevnegeriya.
- Digel hemû kêmasiyên me em ji her kesê ku piştgirî dan boykota me re sipasiyên xwe pêşkêş dikin.
- Em hemû nîqaşên ji bo vegera meclisê fêm dikin, hemû metirsiyên neçûna meclisê jî fêm dikin û qîmetê didinê. Ji bo em soza hemû derdorên bi me bawer in, ji bo em soza ku me daye kedkaran baştir bînin cih,j i bo em eniya berxwedanê xurt bikin, ji bo azadiya Hatip Dicle û hemû girtiyan, digel AKP'ê û ji bo em AKP'ê ber bi paş ve dehf bidin ji 1'ê mehê ve em dest bi xebatên meclisê dibin.