Diyarname

Çapemeniya dinyayê cihek fireh da "Komkujiya li Enqereyê"; Gelek rojnameyan ji rûpelê xwe yên yekemîn bûyer ragihand xwendevanên xwe.

Independent 

Rojnameya Independent ji rûpela yekemîn ligel wêneyê ku weşandiye sernava "Di mîtînga aştiyê de kuştin" bikar aniye û gotiye: "Li paytexta Tirkiye Enqereyê duh êrîşek bombeyî ya terorê pêk hat herî hindik 95 kes hatin kuştin."

Observer

Observer jî ji rûpela yekemîn gotina "Di dîroka nêz a Tirkiyeyê de êrîşa herî bi xwîn" bikar anî û got: "Di mîtînga aştiyê ya li Tirkiyeyê de ji zêdeyî 90 kesî jiyana xwe ji dest da."

Sunday Times

Sunday Times dîmenên teqînê weşandine û gotiye: "Yên bi întîxarwarî bombe teqandine, mîtînga çepgir û kurdên ku dixwestin li başûrêrojhilat a welat şerê navxweyî bi dawî bibe ji bo xwe kirine hedef."

New York Times

Li DYA'yê New York Timesê jî ji manşetê nûçe weşandiye û gotiye: "Li paytexa Tirkiyeyê di dema mîtînga aştiyê de teqîn çêbûye, gelek kes mirine." Rojnameyê wisa dom kiriye: "Tirkiye bi gelek faktorên ku îstîkrarê xira dike re rû bi rû ye: Serhildêrên kurd û şîdeta ji encama pevçûnên bi DAIŞ'ê re; bêîstîkrariya siyasi; nediyariya aboriyê û penaberên ku ji şerê navxweyî ya Sûriyeyê reviyane..."

El Paris

Li Spanyayê El Paris jî wisa gotiye: "Êrîşek ku mînaka wê ya bi vî rengî nîn e."

Corriere Della Sera

Li Îtalyayê Corriere Della Sera gotina Serokomarê Tirkiyeyê Erdogan "êrîşa li hemberî yekîtiya me" bikar aniye û di spotê de diruşmên "dewleta qatil" jî pêşkêş kiriye.

La Repubblica jî wisa gotiye: "Tirkiye, kuştina aktîvîstên aştiyê" bikar aniye.

**

Nûçeya eleqedar:

- Tarkan: Berjewendiyên şexsî deynin aliyek, taqeta me nema 

- 'Yên li dû me dikenin çawa emê bi wan re bên ba hev?' 

- Bi hezaran kes li Sihiyeyê kom bû 

- Navên kesên ku mirine  

- Analîz: Ew der her bi ewlebû, îro çi bû? 

- Li mîtînga aştiyê teqîn, mirî û birîndar hene