Mehmet Y. Yilmaz
Serokwezîr Ahmet Davutoglu* li New Yorkê gotibû "Me pişta terorê şikand" dîsa li New Yorkê ev gotin dubare kir.
Vê carê qala "Çar hedef" ên têkoşîna li dijî PKK'ê kir û wisa got: "Em gihîştin ew hedefên xwe, me pişta PKK'ê şikand."
Helbet ev agahî kêfa her kesê dixwaze mirin rawestin, çek bêdeng bibin tîne lê gelo bi rastî jî wisa ye?
Wê were bîra we, di cejnê de bêyî xebera kesî pê bixe çû Amedê.
Piştî nimêja cejnê çû Wanê, ji wir bi helîkopterê çû Geverê.
Akif Beki** ev trafîk çawa çêbûye di balafirê de ji Serokwezîr hîn bûye, di quncikê xwe yê Hurriyetê de wisa nivîsiye:
"Ji serî heta dawî operasyonek bi dizî çêbû, bêyî berê agahiyê bide. Serokwezîrî got ku ji hevalên xwe yên herî nêzî jî ev çûyîna wir veşartiye. Konyayiyan digotin qey dê Serokwezîr bi şev jî li wir bimîne. Ji piraniya kesên pêre siwarê balafirê bûne re jî negotine ew dê herin Amedê. Piştî firînê ev agahiya veşarî hîn bûne. Çûyîna Geverê hê hindiktir kesî dizanî; Serfermandarê Giştî û yek-du kesên xebatkarên nêzî wî kesî nedizanî.Di her kêliyê de tenê yên berpirs bûne xwedî agahî. Û her gav di deqîqeya dawî de agahî dane wan. Mînak li Amedê digotin qey dê balafir ber bi Enqereyê ve bifire lê berê xwe daye Wanê, lê agahî nedane yên li Wanê jî."
Di rojnameyan de me dixwendin ku Serokdewletên DYA'yê, wezîrên wan ji bo serdana leşkerên li Iraqê wisa dikir lê yekemîn car Serokwezîr li welatê xwe mecbûr dimîne wisa bi veşarî tevdigere.
Helbet mimkûn e mirov fêm bike çima wisa kiriye û helbet ewlehiya canê Serokwezîr girîng e ji bo hemû welatî.
A rast dema derdikeve û dibêje "Me pişta wan şikand" wekî henekê dixuye.
myy@hurriyet.com.tr
29.09.2015, Hurriyet