Diyarname
DTP'ê berendamê xwe yê Tekmana Erzerom û Kuşçaya Konyayê diyar kir.
Rêxistina DTP'ê ya Tekmana Erzeromê li avahiya rêxistina navçeyê daxuyaniyeke da çapemeniyê û berendamê xwe yê ji bo şaredariyê diyar kir. Di daxuyaniya çapemeniyê de endamê Meclisa Partiya ya DTP'ê Bedri Firat, Serokê DTP'a Erzeromê Medeni Aygul, Serokê DTP'a Tekmanê Sertaç Ozturk û gelek kesên din amade bûn.
Di daxuyaniya ji bo çapemeniyê de Serokê DTP'a Erzeromê Aygul da zanîn ku berendamê wan ê şaredariyê yê Tekmanê Mutahir Karakuş e.
Berendamê Şaredariya Tekmanê yê DTP'ê Mutahir Karakuş jî axivî û got: "Serokwezîr Erdogan tê Erzerokê dibêje, birayê min ê gurcî hene, laz hene, tirk hene lê nabêje kurd hene. Em bibîr dixin ku kurd jî hene."
Berendamê Kuşçayê Yapici ye
Her wiha berendamê bajaroka Kuşçaya girêdayî navçeya Cihanbeyliya Konyayê yê DTP'ê jî diyar bû. Berendamê Şaredariya Bajarokê Kuşçayê Huseyîn Yapici ye. Vê demê şaredariya bajaroka Kuşçayê di destê CHP'ê de bû û şaredarê niha yê CHP'yî Ethem Olgun da zanîn ku di hilbijartina pêşiya me de ew nabe berendam û ew dê piştgiriyê bide berendamê DTP'ê.