Diyarname
Enstîtuya Kurdî ya Stockholmê li ser di perwerdehiya zarok û ciwanan de wêneyê semînerek li dar dixe.
Civakên pêşketî berhemên perwerdeyeke birêkûpêk û zanistê ne. Her dewlet û dezgeh li gora derfetên xwe dixwazin civata xwe perwerde bikin da ku ew ji imkanên serdemê sûdê werbigirin, ji asta zanista cîhanê bişûnde nemînin û di her warên jiyanê de kes û komikên azad û têgeheştî di radeya herî bilind a zanistê de perwerde bikin.
Di demeke ku beşek ji welatê me li ser rêya azadî û serxwebûnê ye, rola perwerdeyeke li ser hîmê zanist û nûjeniyê ji herdemê bêtir îro xwe ferz dike.
Perwerdeya kurdî li derve û hundirê welêt di kîjan astê de ye? Zehmetî û asaniyên wê çi ne? Rola perwerdeya bi zimanê zikmakî? Alavên ku îro di dibistana kurdî de têne bikaranîn çendî bersiva perwerdeya nûjen didin? Rola dayik û bavan di perwerdeya zarokan de çi ye?
Mamosteyên dibistana kurdî dê li Înstituya kurdî ya Stockholmê agahdariyan li ser perwerdeya kurdî bidin û bersiva van pirsan bidin.
Hemû dayik û bav, siyasetmedar, şagirt û mamoste vexwandiyê vê semînerê ne ku girêdana wê bi pêşeroja gelê me re heye.
Program
14.00 destpêk
14.10 – 14.30 Semînerdar Hakki Balta (mamosteyê zimanê kurdî)
Kurtegotarek li ser dîroka alavên perwerdeya bi kurdî.
14. 30 – 15. 10 Semînerdar Şêrîn Xanim (mamosteya zimanê kurdî)
Ew ê alfabeyên cuda yên ku di perwerdeya kurdî de têne bikaranîn bide ber hev. Rewşa perwerdeyê li başûrê Kurdistanê û li Ewropayê. Alavên perwerdeyê li Başûr.
15. 15 – 15 .35 Navber
15. 30 – 16. 10 Semînerdar Hemît Kahraman (mamosteyê zimanê kurdî)
Alavên ku di perwerdeya kurdî de li derveyî welêt têne bikaranîn. Rewşa perwerdeya bi kurdî û zaravayê kurmancî li Ewrûpayê.
16.15 – 16. 50 semînerdar Hakki Balta (mamosteyê zimanê kurdî)
Di perwerdeyê de rola berhemên wêjeyî, faktayî û ragihandinî.
16.50 – 17.10 Pirs û bersiv
Dem: 06. 12. 2008
Navnîşan
Mogårdsvägen 13, Sv/ Vårby Gård
Emil: institutakurdi@yahoo.se