Civata Kurdên Libnanê ya Qenciyê, ji Parlamentoya Lubnanê xwest ku ji bo nûneriya wan kursiyeke bide wan.

Li gor beyanameyeke Civata Kurdê Libnanê ya Qenciyê ku kopiyeke wê ketiye destê PUKmediayê, nûnerê Civata Kurdê Libnanê ya Qenciyê daxwaznameyek pêşkêşî serokê Parlamentoya Lubnanê Nebîh Birrî kiriye û tê de daxwaz kiriye ku hikumeta Lubnanê biryara jimare 5247-ê ya 20/06/1994'an ya taybet bi dayîna rêgeznameyê bi koçberan, ber çavan derbas bike, bi awayekî wan arîşeyan çareser bike ku di dema wergirtina rêgeznameyê de tên pêşiya koçberên li wî welatî.       

Di daxwaznemeyê de her wiha daxwaz hatiye kirin ku divê hikûmeta Lubnanê destûra welat bi awayekî verast bike ku mafekê zêdetir ji kêmîneyan, di nav de kurd jî hene re bê dayîn.
Her wiha di damûdezgehên giştî de derfeta karkirinê ji xortên kurd re bê dayîn û di heman demê de di parlamentoyê de kursiyek ji nûnerê kurdên li Lubnanê re bê terxankirin.

Di bersiva daxwaznameyê de, serokê Parlamentoya Lubnanê piştevaniya xwe ji bo daxwazên civatê nîşan da û soz da ku vê daxwazê bigihîne aliyên pêwendîdar ên hikûmetê.
 
Ji PUKmediayê hatiye girtin