Amed
Sempozyûma Seyfuddîn Amîdî ya Navneteweyî bi axaftina dawî ya Baydemîr temam bû. Baydemîr di axaftina xwe de got: "Ev erdnîgarî di warê îlim û îrfanê de wekî deryayekê ye. Di du rojan de me kir ku ji vê deryayê stêrkeke behrê pêşkêşî civakê bikin."

Her wiha Baydemîr da zanîn ku wan di meha Remezanê de li ser 7 şexsiyetên girîng panel li dar xistine û vegera li dîroka xwe tişteke mûhîm e. Baydemîr da zanîn ku di meha pêşiya me de dê li nava Parka Sumerê pirtûkxaneyeke bê vekirin û wiha berdewam kir: "Em wisa tiştek bikin ku berhemên di pirtûkxaneyê de li ser nirxên vê erdnîgariyê bin. Û em bikin ku berhemên nirxên vê erdnîgariyê bînin û bixin pirtûkxaneyê."
Baydemîr bi kurdî, tirkî, erebî û îngilîzî silav li mêvanan kir û dawî li axaftina xwe anî.

Ji Amerîka, Îngilistan, Belçîka, Almanya, Misir, Lubnan, Sûriye, Iraq, Avusturya û Tirkiye her yek di warê xwe de pispor beşdarî sempozyûmê bû û teblîx pêşkêş kirin.

Piştî Baydemîr ji Zanîngeha Dîcleyê Dr. Abdurrahman Adak encamname xwend. Adak da zanîn ku 33 teblîx hatine pêşkêş kirin û gelek berhemên Amîdî di pirtûkxaneyên cihê yên li Tirkiye û dinyayê hene.

Adak wisa got: "Ji bo Seyfuddîn Amîdî ji bo pêşerojê bê nasîn û li bajarê ku hate jiyîn navê wî bê jiyîn li Amedê li ser navê wî akademî bên vekirin, navê wî li kolaneke Amedê bê dayîn dê ev yek bibe wefayeke."

Ji malpera Şaredariya Bajarê Mezin a Amedê hatiye girtin