NAVENDA NÛÇEYAN 

Rewşenbîr, rojnameger, nivîskar, mamosteyên zanîngehan û çalakvanên civakî yên başûrê Kurdistanê ji Serokê Herêmê Kurdistanê Mesûd Barzanî xwestin ku televîzyona Rûdaw ceza bike û dan zanîn ku ev televîzyon nûçeyên dûrî rastiyê diweşîne û hewl dide di navbera hêzên kurdan de li şûna şerê li dijî 'terorê' tevlîheviyan derxîne.

126 Rewşenbîr, rojnamevan, nivîskar, mamosteyên zanîngehan û çalakvanên civakî yên başûrê Kurdistanê nameyeke ji bo Barzanî û aliyên têkildar ên hikumetê re şandin. Di nameyê de hat diyarkirin ku xeteriya televîzyona Rûdaw heye û di nûçeyên xwe de hewl dide tevlîheiyan di navbera kurdan de derxe holê. Di nameyê de Barzanî hate hişyarkirin ku hatiye gotin ku bi van nûçeyên derew ên Rûdawê dibe ku şerê li dijî 'terorê' bi ser nekeve.

Her wiha hat destnîşankirin ku Rûdaw nakokiyên di navbera hêzên kurdî de bêhtir kûr dike û rê li ber çareseriyê digre.

Berî niha Rûdawê di nûçeyekê de diyar kiribû ku Partiya Karkerên Kurdistanê (PKK) nehiştiye Amerîka Şegalê rizgar bike û rê li ber dûrxistina êzidiyan ji başûrê Kurdsitanê, vedike.

Girêdayî mijarê Fermandariya Hevbeş a Hêzên Parastina Şengalê ku di nava xwe de HPG, YPG û YBŞ digre daxuyaniyek da û têde got ku nûçeya Rûdawê derew e. Di daxuyaniya fermandariyê de hat gotin ku li Şangalê hevdîtina wan a bi amerîkiyan re baş derbas bûye. Fermandariya Hevbeş destnîşan kir ku nûnerên Amerîka silav rola hêzên kurdî a di parastina gelê Şengalê de kirine.

ANHA