QAMİŞLO 

Li Somayê heta niha kesî negotiye ku sûriyek jî di bûyerê di miriye, lê çapemeniya Ereb îdîayeke nû eşkere kir. Li gor çapemeniya ereb 100 sûriyeyî di bûyerê de mirine. Her wiha hat gotin ku piraniya van karkeran jî zarok bûne.

Li Somaya Manîsaya Tirkiyeyê roja 13'yê gulanê di madenê de bûyerek ku hê nehatiye diyarkirin ji ber çi ye, çêbû. Li gor agahiyên fermî heta niha 301 kesî di bûyerê de jiyana xwe ji dest daye. Dîsa li gor heman çavkaniyê hemû jî hemwelatiyên Tirkiyeyê ne, lê çapemeniya ereb îdîayeke din pêşkêş kir.  Ji çapemeniya Ereb rojname û malperên wekî ASIA News, El Âlem, Sewa û Muciz îdîa kirin ku di madenê de 450 karker hebûne û di vê bûyerê de 100 koçberên ji Sûriyeyê jî mirine.

Çavkaniyên ereb dibêjin ku rayedarên Tirkiyeyê vê îdîayê vedişêrin. Heman çavkanî radigihîne ku hêzên rizgarkirinê yên ji Ewropayê hatine rayedarên Tirkiyeyê nahêlin ew beşdarî rizgarkirinê bibin, sedem jî veşartina ev rastiya sûriyeyiyan e. Çapemeniya Ereb dibêje ku koçberên ji Sûriyeyê yên ku di madenê de mirine di kûrahiya madenê de hatine hiştin û bi vî awayî bi bûyer hatiye veşartin. Li gor heman çavkaniyan piraniya van sûriyeyiyan jî zarok bûn.

**

Nûçeyên eleqedar;

- Di 12 salan de li Îngilistanê û Tirkiyeyê çend madenkar mirin? 

- Kurdan ji bo Somayê çi gotin? 

- Ji Wan û Amedê daxuyaniyên alîkariya ji bo Somayê

- 245 mirî hene, lê 120 karker hê nehatine derxistin