Diyarname

Bi bûyera li Somaya Manîsayê re mijara li dinyayê jî ew qas kes di madenan de dimirin careke din ket rojevê.

Serokwezîrê Tirkiyeyê Recep Tayyip Erdogan piştî bûyera li Somayê çû Somayê û di axaftina xwe ya li wê derê de got: "Ev tiştên normal in. Di lîteraturê de bûyera ku jêre qezaya li kar tê gotin heye. Di bingeha vê de, di fitrata vê de heye. Tiştek ku em bibêjin qet qeza çênabe tuneye."

Lê werin binêrin ku ev qezaya ku tê gotin, ev "fitrata" ku tê gotin her li Tirkiyeyê bi hejmarên mezin xwe nîşan dide.

Ma danberhevek ji qezayên ku bûne sedema mirina karkerên madenê ji ser Tirkiye û Îngilistanê amade kir. Li gor tabloyê ku sal bi sal me amade kiriye di navbera salên 2000 û 2012'an de li Tirkiyeyê 1024 madenkar mirine, lê li Îngilistanê di heman demê de 62 kes mirine.

Li welatên din jî rewş ne cuda ye.

Têbinî: Li Somayê roja 13'yê mehê bûyer çêbû. Dema ev nûçe hat amadekirin hejmara miriyan derketibû 284'an. 

**

Nûçeyên eleqedar;

- Kurdan ji bo Somayê çi gotin? 

- Ji Wan û Amedê daxuyaniyên alîkariya ji bo Somayê

- 245 mirî hene, lê 120 karker hê nehatine derxistin