Diyarname

33’yemîn Festîvala Fîlman a Stenbolê bi merasimekê dest pê kir. Di merasima vekirina festîvalê ku Meltem Cumbul pêşkêşvaniya wê dikir de xelatên rûmetê hatin dayîn. Senarîst Umur Bugay ku fîlmên wekî “Çopculer Krali”, “Hababam Sinifi”, “Postci!, “Kapicilar Krali” jî têde senaryoya gelek fîlman nivîsandiye xelata rûmetê girt. Bugay xelata xwe ji destê lîstikvan Meral Çetinkaya “(ku Çetinkaya bi tîşortê ku li ser wêneyê Berkin Elvanê li Stenbolê hat kuştin hebû) derket ser dikê xelata Bugay da. Umur Bugay di dema xelatgirtinê de sipasiya xwe kir, bal kişand ser bûyerên dertên, qedexeya li ser înternetê (bi vê yekê temaşevanan li çepikan da) anî ziman û got: “Li gor felsefeya komarê, di rewşek berê komarê bi Ewropayê be de, bi hêviya jiyana li Tirkiyeyeke laîk û tam demokratîk de û di nav aştiyê de.

Sazkarên fîlman Abdurrahman Keskiner ku wekî menajerê Yilmaz Guney dest ib kar kiribû û paşê ligel Yilmaz Guney “Guney Fîlm”, dûre “Umut Fîlm ava kiribû û “Yilani Oldurseler”, “Muhsin Bey”, “Umut” jî têde gelek ji bo gelek fîmî sazkarî kiribû xelata we ya rûmetê ji destê lîstikvan Menderes Samancilar girt.  Keskiner sipasiya Yilmaz Guney û kesên din ku bi wan re xebitiye kir.

Paşê xelatên rûmetên ên din jî dan kesên wekî derhêner, senarîst û sazkar İrfan Tozum, muzîkar Atilla Ozdemîroglu, lîstikvan Sevda Ferdag û lîstikvan Eşref Kolçak.

Di şevê de sînemager Alain Resnais û Tuncel Kurtiz hatin bibîranîn. Di dema derketina deng û fotoyê Kurtiz re mêvanan bi deqeyan li çepikan da. 

Piştî merasima ku eleqeyek mezin lê hebû fîmê derhênerê îngilîz Stephen Frears “Philomena” (Li dû hêviyê) hat nîşandayîn. Fîlm di rojên 5, 6, 7, 10 û 12’yê mehê dîsa di festîvalê de dê bê nîşandayîn.

Salonên festîvalê

Festîvala ku nû dest pê kir heta 20’ê mehê dê li dar be. Fîlm li Beyoglu salonên sînemayê Beyoglu, Atlas, Muzeya Pereyaê, li Îstanbul Modern, li Nîşantaşî Citylife City’s, li Ortakoy Sînemaya Feriye û li Kadikoy jî li Rexxê tê nîşandayîn. Di festîvalê de li dor 200 fîlm û belgefîlm hene. Her wiha xebatên atolyeyên sînemayê, gotûbêj û dersên sînemayê jî çalakiyên din ên festîvalê ne.

Fîlmên kurdan

Di festîvalê de hin fîlm û belgefîlmên derhênerên kurd jî hene. Ji van, derhêner Kazim Oz bi fîlmê xwe "Hemû Tune bû", Huseyîn Karabey bi "Sesime Gel", Ferit Karahan bi "Cennetten Kovulmak", Murat Eroglu bi fîlmê xwe "Şafakla Donenler", Aydin Orak bi "Mûsayê Bê Asa" cih digire. Her wiha Veysi Altay bi belgefîlmê xwe "Berxwedana 33 salan Dayika Berfo", Ozgur Findik bi "Olagah Haller" derdikeve pêşberî temaşevanan,

Ji bo agahiyên zêdetir û lîsteya fîlman:

www.film.iksv.org

*** 

Nûçeyên eleqedar:

- Şahiya fîlman: Bernameya Festîvala Fîlman a Stenbolê eşkere bû 

- Serokê Juriya Laleya Zêrîn diyar bû 

- Festîvala Stenbolê li benda fîlman e