Diyarname
Festîvala Fîlman a Navneteweyî ya Stenbolê Serokê Pêşbaziya Juriya Laleya Zêrîn ya Neteweyî diyar kir.
33’yemîn Festîvala Fîlman a Navneteweyî ya Stenbolê îsal di navbera 5-20’ê avrêlê de li dar dikeve. Her ku diçe agahiyên li ser festîvalê jî zelal dibin. Niha Serokê Juriya Pêşbaziya Neteweyî ya Laleya Zêrîn diyar bû. Derhêner Dervîş Zaîm ku heta niha gelek xelat girtine bû Serokê Juriyê.
Dervîş li Zanîngeha Bogazîçî ya Stenbolê li ser Aborî lîsansa xwe kiriye û çûye li Îngilistanê li Zanîngeha Warwickê li ser Xebatên Çandî de lîsansa bilind kiriye. Zaîm di sala 1997’an de “Tabutta Rovaşata” kişandibû û bi wî fîlmî hem li Tirkiyeyê hem li derveyî Tirkiyeyê gelek xelat girtibû. Wî paşê fîlmên wekî “Filler ve Çimen” (2000), “Çamur” (2003), “Cenneti Beklerken” (2006), “Nokta” (2008), “Golgeler ve Suretler” (2011) û “Devir” (2012) kişand. Zaim bi “Nokta” li 27’emîn Festîvala Fîlman a Navneteweyî ya Stenbolê Xelata Derhênerê Herî Serketî girt û bi fîlmê xwe “Devîr” jî li 32’yemîn heman festîvalê Xelata Taybet a Juriya Pêşbaziya Neteweyî girt.
Zaîm ku di sala 1992’yan de bi romanê xwe “Alis Harikalar Diyarinda” xelat girtibû hê jî li zanîngehan dersa sînemayê dide.
Di beşa Laleya Zêrîn ya Neteweyî de fîlmên ji Tirkiyeyê dikevin pêşbaziyê û di 9 waran de xelat tê dayîn. Xelata mezin xelata Fîlmê Herî Serketî ye ku diyariya wê 150 hezar TL ye û xelata Derhênerê Herî Serketî jî 50 hezar TL ye.
***
Nûçeyên eleqedar:
.jpg)
