Diyarname

Komeleya Nivîskarên Sînemayê (Siyad) ku her sal Xelatên Siyadê dide, îsal jî bi merasimekê xelat li berhemên bi ser ketine belav kir. Di şevê de fîlmê Erdem Tepegoz "Zerre" xelata Fîlmê Herî Serketî, derhenêr Reha Erdem jî bi fîlmê xwe "Jîn" xelata Derhênerê Herî Serketî girt.

Merasima xelatdayîna 46'emîn Xelatên Siyadê êvara 20'ê mehê li Salona Cemal Reşit Rey li dar ket. Di şevê de Siyadê Xelata Rûmetê da Serra Yilmaz, Ali Ozgenturk û Macit Koper. Fîlmê Yilmaz Erdogan "Kelebegin Ruyasi" ku di 9 waran de berendam bû, di 5 waran de bi ser ket. "Zerre"yê 3 xelat girtin.

Vane xelatên ku hatin belavkirin:

- Fîlmê Herî Serketî: Zerre 

- Derhênerê Herî Serketî: Reha Erdem (Jîn) 

- Senaryoya Herî Serketî: Onur Unlu (Sen Aydinlatirsin Geceyi) 

- Lîstikvana Herî Serketî: Jale Arikan (Zerre) 

- Lîstikvanê Herî Serketî: Kivanç Tatlitug (Kelebegin Ruyasi) 

- Lîstikvana Duyema Herî Serketî: Farah Zeynep Abdullah (Kelebegin Ruyasi) 

- Lîstikvanê Duyem ê Herî Serketî: Nadir Saribacak (Yozgat Blues) 

- Derhênerê Dîmenê yê Herî Serketî: Gokhan Tiryaki (Kelebegin Ruyasi) 

- Muzîka Herî Serketî: Rahman Altin (Kelebegin Ruyasi) 

- Derhênerê Hunerê yê Herî Serketî: Hakan Yarkin (Kelebegin Ruyasi) 

- Vesazkirina Herî Serketî: Zerre (Mesut Ulutaş) 

- Belgefîlmê Herî Serketî: Saroyan Ulkesi (Lusin Dink) 

- Kurtefîlmê Herî Serketî: Nerdesin? (Fatih Kizilgok)