Stenbol
Însiyatifa Piştgiriya bi Redkarê Wijdarî Alî Fîkrî Işik re roja 6'ê adarê li ber avahiya Serokatiya AKP'ê ya Stenbolê çalakiyek li dar dixe.

Alî Fîkrî Işik di 9'ê pûşpera 2012'yan de ji ber "neçûye leşkeriyê" tê girtin. Ew di dadgeha leşkerî de reda xwe ya wijdanî eşkere dike û bi kurdî parastina xwe dike. Li ser vê ew tê girtin û 4 meh û nîv di Firtîgeha Leşkerî ya Edirneyê dimîne. Paşê tê berdan lê doz didome. Işik dema roja 27.02.2013'yan diçe dadgehê, dadgeh cê carê ew tewqîf kir û ceza lê birî.
Însiyatîfê daxuyaniyeke weşand, bal kişand ser meseleyê ku di nav 47 endamên Konseya Ewropayê de tenê di Zagona Bingehîn a Tirkiyeyê reda wijdanî nenivîsandiye. Însiyatîf di daxuyaniya ku weşand de wisa gotiye: "Bi Xala 90'emîn a Zagona Bingehîn mecbûriye ku li gor biryarên Dadgeha Mafên Mirovan a Ewropayê tevbigere. Tiştên ku vê serdemê têne jiyîn terora dewletê ne û neqebûlkirina hiqûqê ye, pêre jî sûceke mirovahiyê ye."

Însiyatîfê gotiye ku ji bo van yekan bînin ziman dê li ber avahiya AKP'ê ya Stenbolê digel malbata Işik daxuyaniyeke bidin çapemeniyê.

Ji bo kesên eleqedar:

Dîrok: 6 adar 3013
Cih: Ber AKP'a Stenbolê, Sutluce
Saet: 14.00

Ji bo agahiyên berfirehtir

http://www.savaskarsitlari.org/default.asp

***

 Nûçeyên eleqedar:

- Komeleya Nivîskaran ji bo Işik banga piştgiriyê kir

- Dadgeha leşkerî Ali Fikri Işik tewqîf kir