Diyarname
Boxeyên spanya zora panzêrên alman birin û bûn Şampiyonê Ewropayê. Spanya duyemîn car e kûpayê dibe mala xwe.

Maça fînalê ya EURO 2008 di navbera Almanya û Spanyayê de li d ar ket. Di maçê de Spanya her serketî bû û digel ku golek avêt, bêhejmar atak jî bêyî veguherînin golê bi avê de berdan.

Gola Spanyayê di deqîqeya 33'yan de ji aliyê Torres ve hate avêtin: 1-0
Spanyayê yekem car di sala 1964'an de bûbû Şampiyonê Ewropayê û kûpa biribû mala xwe, bi vê bû duyem car dibe Şampiyonê Ewropayê.

Teknîk dîrektorê Spanyayê Luis Aragones berî maçê got, "Yan niha û yan jî qet" û bi vê nihayê bû ew jî bû xwediyê payeyekê. Aragonesê 70 salî bi vê şampiyoniyê bû teknîk dîrektorê herî kal ku di tûrnûvaya Ewropayê de dibe şampiyon.

Teknîk dîrektorê Almanyayê Joachim Low li Tirkiyeyê teknîk dîrektoriya Fenerbahçeyê kiribû. Serokê Fenerbahçeyê Aziz Yildirim ku Low anîbû Tirkiyeyê, vê carê Aragones îsal tîne Tirkiyeyê û tîma Fenerbahçeyê teslîmê wî dike. Yanê du teknîk dîrektorên ku di vê fînalê de hatin hemberî hev rêya wan bi Fenerbahçeyê jî ketiye.

Di maçê de Kralê Spanyayê jî hebû û Spanya bû Kralê Ewropayê.

Di destpêka tûrnûvayê de Almanya û Portekîz wekî favorî hatibûn nîşandayîn ji aliyê rexnegirên sporê ve. Lê di çarîk fînalê de Alman û Portekîz hatin hemberî hev û favoriyekî wê demê têk çû. Favorî di fînalê de teslîmê Spanyayê bû û Spanya bû şampiyon.
Her wiha Spanya heta hate fînalê hemû tîmên bi wan re lîst ew têk birin, bêtêkçûn bû şampiyon.

Kunyeya Maçê:
Stad: Ernst Happel
Hakêm: Roberto Rosetti, Alessandro Griselli, Paolo Calcagno (Îtalya)
Almanya: Lehmann - Friedrich, Mertesacker, Metzelder, Lahm (Dq. 46 Jansen) - Schweinsteiger, Frings, Ballack, Hitzlsperger (Dq. 58 Kuranyi) - Podolski, Klose (Dq. 79 Gomez) 
Spanya: Casillas - Sergio Ramos, Marchena, Puyol, Capdevila - Iniesta, Xavi Hernandez, Senna, Silva (Dq. 66 Cazorla) - Fabregas (Dq. 63 Xabi Alonso), Torres (Dq. 78 Guiza)
Gol: Dq. 33 Torres

***

Nûçeyên bi Spanyayê ve eleqedar:

Heta niha kî çiqas pere qezenc kir?

Boxe jî derketin fînalê

Catalunya Es Espanya

Boxeyên Spanyayê cîzme qetandin

Spanyayê tûr avêt, Yewnan çû, Rusya û Swêd bi hêvî ne

Spanyayê pişta Rusyayê şikand

Û fotoyên ji maça fînalê: