Diyarname

91'emîn Xelatên Oscarê bi merasimek li Şanogeha Dolby ya li Los Angelesê hatin belavkirin.

Kanala ABC bi awayekî yekser merasim weşand. Di dîroka Oscarê de yekem car merasim bê pêşkêşvan li dar ket, loma jî zû xilas bû.

Xelata Fîlmê Herî Serketî dan fîmê "Green Book". Di î warî de "Roma" û "Bohemian Rhapsody" wekî favorî dihat nîşandayîn lê ew bi ser neketin. Ligel vê xeyal şikestinê jî her du fîlman xelatên din girtin. "Bohemian Rhapsody" bi 4 xelatan, fîlmê "Roma" xelata Derhênerê Herî Serketî jî di nav de bi 3 xelatan xeva xwe baş derbas kir. Her wiha belgefîlmê derhêner Jimmy Chin, Elizabeth Chai Vasarhelyi ê bi navê "Free Solo" Xelata Belgefîlmê Herî Serketî girt.

Alfanso Couaron bi fîlmê xwe "Roma" Xelata Derhênerê Herî Serketî girt.

Vane hemû xelatên ku hatin belavkirin:

- Fîlmê Herî Serketî: Green Book

- Derhênerê Herî Serketî: Alfanso Cuaron (Roma)

- Lîstikvana Herî Serketî: Olivia Colman (The Favourite)

- Lîstikvanê Herî Serketî: Rami Malek (Bohemian Rhapsody)

- Lîstikvana Duyemîn a Herî Serketî: Regina King (If Beale Street Could Talk) 

- Lîstikvanê Duyemîn ê Herî Serketî: Mahershala Ali (Green Book)

- Senaryoya Xweser a Herî Serketî: Nick Vallelonga, Brian Currie û Peter Farrelly (Green Book)

- Senaryoya Lêanînê ya Herî Serketî: Spike Lee, Charlie Wachtel, David Rabinowitz û Kevin Willmott (BlacKkKlansman) 

- Sînematografiya Herî Serketî: Roma

- Muzîka Taybet a Herî Serketî: Ludwig Goransson (Black Panther) 

- Strana Taybet a Herî Serketî: Shallow (A Star Is Born) 

- Makyaj û Dîzayna Por a Herî Serketî: Vice 

- Dîzayna Kincan a Herî Serketî: Black Panther 

- Bi Zimanê Biyanî Fîlmê Herî Serketî: Roma 

- Efekta Dîtbarî ya Herî Serketî: First Man 

- Vesazkirina Herî Serketî: Bohemian Rhapsody 

- Vesazkirina Deng a Herî Serketî: Bohemian Rhapsody 

- Mîksaja Herî Serketî: Bohemian Rhapsody 

- Belgefîlmê Herî Serketî: Free Solo 

- Kurtebelgefîlmê Herî Serketî: Period. End Of Sentence 

- Fîlmê Anîmasyonî yê Herî Serketî: Spider-Man: Into the Spider-Verse 

- Kurteanîmasyonê Herî Serketî: Bao 

- Kurtefîlmê Herî Serketî: Skin 

- Dîzayna Sazkirinê ya Herî Serketî: Black Panther 

  Lîstikvan Rami Malek bi rola xwe ya di fîlmê "Bohemian Rhapsody" de xelata Lîstikvanê Herî Serketî girt.

***

REKLAM:

Ji bo bilêtên balafiran hûn dikarin serî li vir bidin... 

www.bizebiletal.com