ENQERE
BDP, ji bo pêvajoya çareseriya demokratîk bimeşe, dest bi "Pêngava çareseriya demokratîk" a sê mehan dike. Kampanya bi diruşma "Hikumet gavan biavêje" roja 30'ê mehê îro destpê dike û wê heta sê mehan bidome.
Navenda Giştî ya BDP'ê ev çalakî da dest pê kirin. BDP'ê da xuyakirin ku bi vê kampanyayê re ewê berpirsyariyên hikumetê yên qonaxa duyemîn bînin bîra hikumetê û destnîşan kir ku bi vê pêngava çareseriya demokratîk daxwaza bingehîn wê azadiya Rêberê PKK'ê Abdullah Ocalan be.
Bi kampanyayê re wê ev daxwaz werin kirin:
•Di serî de girtiyên nexweş, hemû girtiyên siyasî serbest werin berdan
•Çêkirina qereqol, bendav û HES werin rawestandin
•Dawî li komkujiya ekolojîk bê anîn
•Tevgera leşkerî bê rawestadin. Leşker, polîs, akrep, TOMA û panzêr ji nava gel bên derxistin û li qişla û qereqolan bên bicihkirin
•Perwerdeya zimanê dayikê bê destpêkirin, astengiyê li pêşiya bikaranîna zimanê dayikê werin rakirin
•TMK û qanûnên antîdemokratîk bên rakirin
•Cerdevanî were rakirin
•Benda hilbijartinê bê daxistin
•Tedbîrên li dijî dijwariya li hemberî jinê bên girtin û kiryar bên cezakirin
DI HEFTEYA YEKEMÎN DE MEŞÊN GIRSEYÎ
Di daxuyaniyê de bernameya çalakiyan a meha destpêkê hat eşkerekirin. Li gorî vê yekê wê di navbera 30 pûşper û 6'ê tîrmehê de meşên girseyî bên lidarxistin.
Dem û bajarên ku meş dê lê bên lidarxistin wiha ye:
•30 Pûşper: Amed, Edene, Mêrsîn, Dîlok
•1 Tîrmeh: Wan, Mêrdîn, Riha
•2 Tîrmeh: Şirnex, Mûş
•3 Tîrmeh: Colemêrg, Bedlîs, Semsûr
•4 Tîrmeh: Stenbol, Êlih, Agirî
•5 Tîrmeh: Sêrt, Çewlik, Îdir
•6 Tîrmeh: Meşên li bajarên din
BDP'ê da xuyakirin ku li gel van meşan, wê di 2'ê Tîrmehê de li Sêwas û Enqerê kesên di komkujiya Sêwasê de hatine kuştin bi girseyî bên bîranîn, her wiha bi pêşeniya TUHAD-FED'ê ji bo azadiya girtiyan li ber Girtîgeha Metrîsê çalakî bê lidarxistin.
Her wiha hat ragihandin ku wê bi awayekî girseyî beşdarî doza kuştinên kiryarên wan ne diyar a 5'ê Tîrmehê ya li Amedê bibin, ku tê de dosya Temîzoz tê darizandin.
HEFTEYA DUYEMÎN ÇALAKIYÊN RÛNIŞTINÊ
Di hefteya duyemîn a kampanya "hikumet gav biavêje" de wê çalakiyên rûniştinê bê lidarxistin û berxwedêrên rojiya mirinê ya 14'ê Tîrmehê bê bîranîn. Dem û cihê çalakiyên rûniştinê lê bên lidarxistin wiha ye:
•7 Tîrmeh: Amed
•8 Tîrmeh: Wan Riha
•9 Tîrmeh: Stenbol, Îdir
•10 Tîrmeh: Mêrdîn, Bêdlis
•11 Tîrmeh: Şirnex, Agirî
•12 Tîrmeh: Colemêrg, Sêrt
•13 Tîrmeh: Êlih, Semsûr
•14 Tîrmeh: Li her derê çalakiyên bîranîna berxwedêrên rojiya mirinê ya 14'ê Tîrmehê
•15 Tîrmeh: Mêrsîn, Edene
DI HEFTEYA SÊYEMÎN DE WÊ ŞOREŞA ROJAVA BÊ SILAVKIRIN
BDP wê di hefteya sêyemîn a pêngava xwe de çalakiyên ji bo silavkirina şoreşa rojavayê Kurdistanê lidar bixe û bername jî wiha ye:
•16 Tîrmeh: Stenbol, Îzmîr
•17 Tîrmeh: Wan
•18 Tîrmeh: Amed
•19 Tîrmeh: Riha, Mêrdîn, Şirnex
•20 Tîrmeh: Colemêrg
•21 Tîrmeh: Mêrsîn
•22 Tîrmeh: Edene
•23 Tîrmeh: Êlih
DI HEFTEYA ÇAREMÎN DE WÊ JI QEREQOL, BENDAV Û HES'AN RE BÊJE RAWESTE
Di navbera 24 û 30'ê Tîrmehê de jî, wê li dijÎ çêkirina qereqol, bendav û projeyên HES'ê meş werin lidarxistin.
Meşên bi vê armancê wê li Şirnexê dest pê bike û li Stenbolê bi dawî bibe.
•24 Tîrmeh: Şirnex
•25 Tîrmeh: Colemêrg
•26 Tîrmeh: Mûş
•27 Tîrmeh: Mêrdîn
•28 Tîrmeh: Wan
•29 Tîrmeh: Amed
•30 Tîrmeh: Stenbol
Di daxuyaniyê de bang li tevahiya gelê kurd û hêzên alîgirên demokrasî û aştiyê hat kirin, ku bi awayekî çalak beşdarî van meş û çalakiyan bibin.
