Diyarname

Ji Afganistan, Tirkiye û Hollandayê sê nûçeyên li ser rojnamegerî ku derketine pêş:

Xelatgirê Pulitzerê li Afganistanê hat kuştin

Nûçegîhanê fotoyan Danish Siddiqui ku bi fotoyên xwe ji Pulitzerê xelat girtibû li Afganistanê hat kuştin. Siddiqui dema hevçûnên li Afganistanê dişopand hat kuştin.

Reutersê got ku Siddiqui dema li ser sînorê Pakistanê pevçûnên di nabera Taliban û Hikumeta Afganistanê dişopand hatiye kuştin.

Talibnê van rojên dawî herêma Sin Boldak ku cihek stratejîk e bi dest xistibû, Hikumeta Afganistanê ji bo vê herêmê dîsa bi peş ve bigire êrîş dabû dest pê kirin û hat gotin ku di vê pevçûnê de rojnameger Siddiqui û serleşkerekî afgan hatine kuştin. Li aliyê din pevçûnên dijwar didomin.

IPI: TRT dibe çavkaniya propagandayê

Bi biryarnameya Serokomarê Tirkiyeyê Recep Tayyip Erdogan hin kesên nû li TRT'ê hatin peywirdarkirin ku di nav van de kurê Wezîrê Xebat û Ewlehiyê Vedat Bilgin, nivîskara Daily Sabah Hilla Kaplan jî heye. Li ser vê peywirdarkirinê Enstîtuya Çapemeniyê ya Navneteweyî (IPI) got ku TRT bi van peywirdarkirina  TRT dibe çavkaniya propagandaya dewletê.

Kordînatora Bernameya Tirkiyeyê ya IPI'yê Renan Akyavaş di daxuyaniya xwe de gotiye ku TRT zemanek bi nûçeyên objektîf, berfireh û bi qelîteya bilind yek ji çapemeniya bi hurmet a Tirkiyeyê bû lê mixabin bi biryarname û guherîna rêziknameyê veguherî bû saziya propagandaya dewletê.

Li Hollandayê rojnameger hat kuştin

Li Amsterdama Hollandayê roja 7'ê mehê rojnameger Peter R. de Vries rastî êrîşa çekdarî hatibû û bi giranî birîndar bûbû. Vries ê ku rakiribûn nexweşxaneyê 15'ê mehê mir.

De Vries li kanala RTL dixebitî. Kanalê got ku wî heta dawî ber xwe da lê bi ser neket, di kêliya ku hezkiriyên wî li cem wî bûn mir.

Rojnameger Vries li nav rêxistina emniyetê û li nav cîhana tarî têkiliyên wî hebûn, nûçegîhanekî li ser van beşan bû û li ser dosyayê sûcê her beşdarî nîqaşên di televîzyonan de dibû.

Wî di sala 2018'an de di kategoriya nûçeyên rojevî de Xelata emmy girtibû.