Girkê Legê
Bajaroka Rimêlan a girêdayî bajarê Girkê Legê ku ev 2 roj in ji aliyê Yekîneyên Parastina Gel (YPG) ve hatibû dorpêçkirin, bi temamî ji bermahiyên rejîma Baas hate paqijkirin. Piştî rizgarkirinê şêniyên bajarokê jî daketin kolanan û pîrozbahî lidar xistin.

Bajaroka Rimêlan ku wekî navenda neftê tê zanîn û duh ji aliyê YPG'ê ve hatibû dorpêçkirin, îro bi temamî hate rizgarkirin. Di dorpêçkirina duh de piraniya bajêr hatibû rizgarkirin û 35 leşkerên rejimê dîl hatibûn girtin. Îro jî navenda ewlekariya leşkerî, ewlekariya siyasî û tabûra Hecana ku leşkerên rejîmê tê de mabûn, hatin rizgarkirin. Leşker di van avahiyan de jî teslîmî hêzên YPG'ê bûn.

Piştî ku hat diyarkirin ku bajarok hatiye rizgarkirin, şêniyên bajarokê daketin kolanan û bi diruşmeyan rizgarkirin pîroz kir.

Tirbespî jî di destê kurdan de ye

Her wiha roja 1'ê adarê Tirbespiyê ku girêdayî Qamişloye jî bi temamî ketibû destê kurdan.

Ji ANF'ê hatiye girtin

***

REKLAM

Hejmara 5'emîn a "Kurt Tarihi" derket. Ji bayiyan bixwazin.

Ji bo nûçeyê fotoyê bitikînin