QAMIŞLO 

Saziyên civaka sivîl ên li bajarên Qamişlo bi daxuyaniyekê êrîşên komên çekdar ên Dewleta Îslamî ya Iraq û Bîlad El-Şam/Cebhet El-Nusra yên li ser Rojavayê Kurdistanê şermzar kirin.

20 saziyên civaka sivîl ên li bajarê Qamişlo daxuyaniyeke hevbeş weşandin û êrîşên komên çete û hewldanên valakirina herêmên kurdî şermezar kirin.

Di daxuyaniya hevbeş ya saziyên civaka sivîl de ev tişt hatin gotin: "Şoreşa gelê rojavayê Kurdistanê ku di 19'ê tîrmeha 2013'yan de salek li pey xwe hişt, bi rizgarkirina bajaran û avakirina hêzên Asayîşê û Yekîneyên Parastina Gel (YPG) gihîştibû wê qonaxê ku rêveberiya xwe ya xweser ava bike."

Di daxuyaniyê de tê destnîşan kirin ku hêzên li dijî destkeftiyên gelê kurd dest bi êrîşên hovane kirine û ezmûna demokrasiyê û nimûneya jiyana hevbeş ya pêkhateyên rojavayê Kurdistan ji xwe re wekî hedef nîşan dane.

Daxuyanî wisa didome: "Komên çekdar ên Dewleta Îslamî ya Iraq û Bîlad El-Şam/Cebhet El-Nusra, ku mal, xwîn û namûsa welatiyan hedir dikin tu têkiliya wan bi Îslama rastîn re tune ye."

Di dawiya daxuyaniyê de saziyên civaka sivîl êrîşên komên çete û hewldanên valekirina herêmên kurdî şermezar kirin û piştgiriya xwe ji bo Yekîneyên Parastina Gel (YPG) eşkere kirin û wiha gotin: "Em wekî saziyên civaka sivîl bi hemû derfetên xwe piştgiriya yekîneyên YPG'ê dikin, em amade ne ku çekan hilgirin û ji bo parastina herêmên xwe milê xwe bidin milê şervanên YPG'ê."

Saziyên ku daxuyanî îmze kirine ev in:

Yekîtiya Bazirganên Qamişlo.

Yekîtiya Bazirganên Alavên Çandiniyê.

Yekîtiya Bazirganên Bazara Şînî.

Yekîtiya Zêrkeran.

Desteya Otêl û Xwaringehan.

Meclisa Tenduristî ya Qamişlo.

Sasiyên Xizmetê (Eletrîk, Av, xweza).

Yekîtiya Berber û Kuafêran.

Yekîtiya Endezyarên Cezîrê.

Yekîtiya Aqar Firoşan.

Yekîtiya Erebe Firoşan.

Yekîtiya Bazirganên Pez û Dewaran.

Yekîtiya Veguheztinê.

Yekîtiya Karkerên Qamişlo.

Meclisa Sopr û Ciwanan.

Yekîtiya Esnafan.

Yekîtiya Mamostayan.

Yekîtiya Wênekêşan.

Saziya Zimanê Kurdî.

Rêxistina Mafê Mirovan.