Diyarname
Rojnameger Mehmet Ali Birand ku heta îro şanenava xwe avêtibû bin gelek bernameyan televîzyonan û gelek dosya û hevpeyvîn di çapemeniyê de çêkiribû îro ber bi êvarkî wefat kir

Mehmet Ali Birand ku ji aliyê dê ve bi eslê xwe kurd bû di 9'ê berfanbara 1941'ê de li Beyogluya Stenbolê hatibû dinê.
Eq rojnameger, qunciknivîskar, pêşkêşvanê nûçeyan, bernameçêkerê televîzyonê bû.

Birand di sala 1964'an de bi dehfdana Abdi İpekçi li rojnameya Milliyetê dest bi kar kir. vê demê li Brukselê bi cih bû û nûneriya rojnameyê kir. Birand 20 salan li wir ma û di sala 1985'an de di TRT 1'ê de dest bi amadekirina bernameya "32. Gun" (Roja 32'yan) kir ku mehê carekê çêdikir. Wî heta dawiya temenê xwe ev bername domand.

Di vê bernameyê de gelek rojnamegerên navdar ên Tirkiyeyê yên wekî Can Dundar, Mithat Bereket, Çigdem Anat, Ali Kirca, Deniz Arman, Cuneyt Ozdemir, Ridvan Akar, Musa Çozen, Talip Korkmaz, Sacit Baydar li cem wî xebitîn û navdar bûn.

Bîrand di sala 1986'an de hem rayedarên Yekîtiya Sovyetê, hem jî Milliyet qanî kir û ofîsa rojnameyê li wir vekir.
Bîrand di sala 1988'an de çû Kampa Bekayê û bi Serokê PKK'ê Abdullah Ocalan re hevpeyvîn kir. Ew yekem kes bû ku bi Ocalan re hevpeyvîn kir. Ev hevpeyvîn li Tirkiyeyê bû sedema nîqaşan, rojnameya Milliyetê ku ev hevpeyvîn weşand hat berhevkirin û qedexekirin.

Wî di jiyana xwe de di gelek rojname û televîzyonan de kar kir û gelek pirtûk weşandin.
Vane hin pirtûkên wî:

1984, "12 Eylul 04.00"
1992, "Apo ve PKK"
1993, "Demirkirat: Bir Demokrasinin Doguşu, (Amadekar: Mehmet Ali Birand, Can Dundar, Bulent Çapli)
1995, "10 yilin perde arkasi 32. Gun"
1997, "Panorama"
1999, "12 Eylul: Türkiye'nin miladi"
2000, "12 Mart: İhtilalin pençesinde demokrasi, Emret komutanim, 30 Sicak gun
2012, "Son Darbe: 28 Şubat"