Diyarname
Li herêma Kapadokyayê, li cihê ketina Muzexaneya Servekirî ya Goremeyê 'perîbacasi'yek hilweşiya; 3 kes binî de man û mirin û çend kes jî birîndan bûn.

Waliyê Nevşehîrê Huseyin Kok gotiğe ji ber barîneke gur ax herikî ye û pere zinar ketiye.

Ji bo yên nizanin, li herêma Kapadokyayê ku ev der dikeve nava sînorên bajarên Nevşehir û Kayseriyê. "Peri bacasi" cihên dîrokî ye û ev der wekî Muzeya Servekirî hatiye qebûlkirin. Her sal ji nav Tirkiyeyê û ji derveyî Tirkiyeyê bi mîlyonan kes diçin serdana vir. Ev cihê ku niha hilweşiya ye cihê destpêka vê muzeyê ye ku hinek din li hundir çêba, qelebalix zêdetir bû, dê windayî zêdetir bana.

Di sala 2024'an de di encama baranek gur de parçeyek ji van zinaran hilweşiya bû. D isala 2025'an de jî ji perî bacasi beşek hilweşiya bû lê kes nemiribû. Vê carê heta niha 3 kes mirine, birîndar hene.

SEDEMÊN TÊKÇÛNA VIR
Mimar Zeynep Çologlu û Platforma Hawirê ya Kapadokyayê ji bo rojnameya Evrenselê gotiye, "pirbûna trafîka erebeyan dibe sedem ku ev bihejin û encameke wisa derkeve holê."

Çologlu wisa gotiye, "Derdora peribacası divê ji bo trafîkê bi temamî bê girtin. Makîneyên giran ên kar bê kontrol nekevin vê qadê û gera bi ATV'yan ku dibe sedema xirabûna rûerdê zinaran divê bê qedexekirin."

XEBATÊN LI SER VIR
Mukremîn Tokmak Berdevkê Platforma Hawirê ya Kapadokyayê bû*. Çend sal berê wisa gotibû, "Ji bo tûrîst 600 metre nemeşin rêya erebeyan vedikin, ev yek xincerek e ku tu li dilê Kapadokyayê bidî. Ev der di asta 1'emîn de qada xwesayî ya sîtê û di asta 1'emîn de qada arkeolojî ya sîtê ye. Rê vebe dê ev mîrateya dinyayê zirarek cidî bibine."
Belgeselkar Bingol Elmas li ser vir belgefîlmekî çêkir, Wezareta Çandê ev belgefîlm  wekî "Polîtîk" hesiband û piştgiriya ku dabû belgefîlm bi paş ve kişand. Elmas li ser xirakirina vê xwezaya Kapadokyayê belgefîlm kişandibû.

*Wê çaxê berdevkê platformê bû. Sal 2022, rojnameya Sozcu.

NOT: Kurd ji "Perîbacasi" re dibêjin "Kofîraz".