Diyarname
Duh ji bo Parlemena Îsraîlê hilbijartin çêbû. Piştî dengdan temam bû, anketên pêşî derketin. Li gor anketên pêşî muxalefet li pêş dixuya, lê li gor agahiyên vê sibê rewş ne bi vî rengî ye.
Va ne hin not:
- Bloka muxalefetê di bin rêberiya Gadi Eisenkot de dijî kolasyona desthilatdar a di bin rêberiya Netanyahû de ket hilbijartinê. Anketên pêşîn ên ser sindoqan muxalefet nîşan didan, lê wiha diyar e encam naguhere, bloka Netenyahu li pêş e.
- Televîzyonên Îsraîlê piştî dengdan bi dawî bû digotin bloka muxalefetê ya di bin rêberiya Gadi Eisenkot de dê 52-53 kursiyan bi dest bixe. Ji bo bloka desthilatdarî ya di bin rêberiya Netanyahu de jî dê nêzî 50 kursiyan digotin, lê encamên vê rewşê berevajî nîşan didin. Hê jî jimartina dengan didome. Îro nava rojê dê mesele zelal bibe.
- Tu blok li Meclisê piraniya kursiyan nikare bi dest bixe. Ger wisa bidome, heta hikumeteke nû saz bike dê Netanyahu wekî serok bimîne.
- Eisenkot piştî agahiyên pêşî daxuyaniyeke wisa belav kir, "Li hemberî Netanyahu û hikumeta wî dengên em bi we ne bawer in hatin dayîn."
- Gadi Eisenkot serfermandarê artêşa Îsraîlê yê berê bû, reqîbê mezin ê Netanyahu ew bû, lê wisa diyar e wî jî nikarî bibe desthilatdar û dê dîsa di muxalefetê de be.
TEVLÎBÛNEKE MEZIN ÇÊBÛ
- Hat gotin ku sedî 77 beşdarî çêbûye ku ev yek astek bilind e ji bo hilbijartinên İsraîlê. Ev yek tê wateya 7.3 mîlyon hilbijêr çûne cem sindoqan ku ev yek li Îsraîlê rekor e.
- Dengdan li gor saetan herêmî saet 08'an de dest pê kir û li gor saeta Amedê saet 23.00'an bi dawî bû.
HEJMARA KURSIYAN
- Li Parlemena Îsraîlê 120 kursî hene. Ji bo hikumetek ava bibe divê partiyek/blokek 61 kursî bi dest bixe.
- Li Îsraîlê ji bo partiyek bikeve meclisê divê herî hindik 4 kursiyan bi dest bixe.
- Lijneya Hilbijartinên encamên pêşîn piştî dengdanê bi rojek belav dike; encamên fermî jî roja 4'ê sermawezê dê belav bike.
***
ENCAMÊN HILBIJARTINÊ WISA ÇÊBÛN:
BLOKA NETANYAHU
- Bloka Netanyahu (pro-Netanyahu / rastgir-dînî): 53 kursî girtin. Berî hilbijartinê 68 kursiyên vê blokê hebûn.
BLOKA GADî EISENKOT
- Bloka dijber a Gadi Eisenkot (anti-Netanyahu, partiyên Siyonîst): 48 kursî.
PARTIYÊN EREB
- Partiyên Ereb (Joint List + Ra’am): 19 kursî (rekora herî bilind, nêzî du qatê berê).
(Ev agahî paşê li nûçeyê hatiye zêdikirin)


