Diyarname
Pirtûka ku ji hevpeyvîn û axaftinên Arjen Arî pêk tê ku fikrên wî nîşan dide bi navê "Xwediyê peyva serhildêr im" derket. Pirtûka ku Rêzan Diljen amede kiriye, ji Weşanên Sor derket.

Arjen Arî yek ji helbestvanê girîng ê kurd bû û di nav helbesta kurdî de ciheke wî ya taybet hebû. Wî, bi helbestên xwe fikir û ramanên xwe, dîtina xwe ya li dinyayê, têkoşîna xwe û têkoşîna gelê xwe dianî ziman. Ev yek di hevpeyvîn û gotûbêjên wî dan kovar, malper û televîzyonan de jî xwe nîşan dida. Di pirtûka niha hatiye amadekirin de ev fikrin û ramanên wî dane hev û pêşkêş kirine. Di pirtûka li ber dest "Xwediyê peyva serhildêr im" de hevpeyvîn, gotûbêj û axaftinên Arjen Arî yên ku li cih û demên cur bi cur kirine hatine berhevkirin û weşandin.

Hevpeyvînên di weşanên wekî rojnameya Azadiya Welat, kovara W, Jiyana Rewşen, Nûdem, malpera Diyarname, dîsa di kanalên wekî ÎMC TV de hatine kirin di pirtûkê de cih girtine.

14 HEVPEYVÎN HENE
Bi temamî 14 hevpeyvîn û axaftinên ku ji fikir û ramanên Arjen Arî pêk tên ketine vê pirtûkê. Pirtûk ev fikren wî yên salên di navbera 2001-2013'yan pêk tê. Rêzan Diljen ew hemû dane hev, amade kirine û di pirtûkê de belav kirine. Dawiya vê hefteyê (30'ê mehê) li Amedê çalakiya bîranîna Arjen Arî heye û di vê çalakiyê de cara yekê dê pirtûk xwe bigihîne hezkiriyên wî.

'BÎR'A ARJEN ARΠ
Arjen arî wisa dibêje, "Di navbera duh, îro û sibê de qasidek e helbest. Û helbest ji her tiştî dixwe û vedixwe. Li vir, dikarim navekî li helbesta xwe bikim: Bêndera bîrê! Berî me jî qewimînin qewimîne, ev ne qetiyayî ne ji qewimînên îro. Bûyerîn 'bîrî' bi destê min tên peywirdarkirin, bivê nevê ji xwe re li rêçeke digere, li rêçeke helbestî û xwe helbestkirinê. Ji bo min tu xeter nîn in lê yên ku li dû min tên ku têkevin wê xetereyê dê di 'bîrê' de bimînin."

NAVEROK
Sernavên hevpeyvîn û dîtinên li pirtûkê jî helbestî ne û balkêş in. "Helbest serhildêr e li vê erdnîgariyê", "Ev derî deriyek e ku bi sê mifteyan vedibe", "Min xwest ez her tim bi 'bîr' bim, bi bîr bînim, xîtabî 'bîr'ê bikim", "Min xwest helbestên min xwendevanê xwe neêşîne", "Şiîr reng û dengê herî neteweyî ye!" hin sernavên di vê pirtûkê de cih girtine ne.
 

**

Nûçeya Eleqedar:
- Arjen Arî bi hin çalakiyan wê bê bibîranîn

 

*********************************************************************

 

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.

 

 **********************************************************************

 

Ger hûn bixwazin alîkariya Diyarnameyê bikin:
ÇAYEK BO DIYARNAMEYÊ:

LÎNKA 
Kreosus.com'ê bitikînin

LÎNKA
Patreon'ê bitikînin

 

**********************************************************************

 

DIBE EV NÛÇE BALA TE BIKIŞÎNİN:
- 2025: Hemû pirtûkên bi kurdî: Ji par zêdetir in

- 'Vateyê Verênanê Zazakî' veciya

- Nêzîkî 20 hezar kurd hatin Almanyayê (îstatîstîkên 2025'an)

- Dîwanên Seydayê Keleş careke din tên çapkirin

- Charles Spencer li ser xweşka xwe nivîsî 'Diana, Xwişka Min'

- Xelata Nobelê ya Wêjeyê dan nivîskara ji Kanadayê Anne Carson

- LEWerger li ser 'Erotîzmê' disekine

 

 

KANALA YOUTUBE YA DIYARNAMEYÊ

 

**********

HESABÊN DIYARNAMEYÊ:YOUTUBE: www.youtube.com/diyarnamediyarnamePODCAST: podcasters.spotify.com/pod/show/diyarnameMALPER: www.diyarname.comTWITTER: x.com/diyarname1


FACEBOOK: facebook.com/diyarnameINSTAGRAM: instagram.com/diyarname1BLUESKY: www.bsky.app/diyarname

   MAIL: diyarname@diyarname.com