Diyarname

Li welatan dersên matematîk, fen û jîrekiya xwendinê gelek muhîm in loma PISA her sal li ser welatên OECD lêkolînê dike, her sal rewşa wan dipîve. PISA'yê notên sala 2015'an pêşkêş kirin, Tirkiye di rêzên jêrîn de ye.

PISA'yê (Bernameya Nirxandina Xwendekarên Navneteweyî) encamên 2015'an eşkere kirin. Di van dersan de notên Tirkiyeyê daketine bin asta sala 2003'yan ku ji wê salê vir de hin pêşketin çêbûbûn.

Di nav OECD (Welatên ku pêşdikevin) de 70 welat hene û li gor van welatan Tirkiye di warê fenê de bûye 51'emîn, di warê matematîkê de bûye 48'emîn, di warê xwendinê de jî bûye 49'emîn.

Bernameya ku pê notan derdixe wisa dike, "Xwendekar agahiyên li dibistanê hîn bûne di jiyanê de bikar tînin yan na." Ji 72 welatan performansa 540 hezar xwendekarên bi temenê bin 15'an re hatiye nirxandin û encam derketiye.

Di encamê de encama herî baş Sîngapûrê bi dest xistiye, dûre Çîn, Japonya û Estonya tê. Di dawiya lîsteyê de jî Komara Domînîk, Cezayîr û Kosova hene. Tirkiye di nav welatên ber bi dawiya lîsteyê de ne cih girtiye.

Sekreterê Giştî yê OECD Angel Gurría nirxandinek wisa kiriye: "Di deh salên dawî de zanist bi lezek mezin pêşde çû, lê perwerdehiya li dibistanan bi heman awayî pêşneket. Welatên skorên herî baş bi dest xistine jî divê hê gelek rêyan li dû xwe bihêlin. Ji bo her zarok perwerdehiya herî şa bi dest bixe divê hê gelek tişt bêne kirin."

Ji DW hatiye girtin