Amed
Mebûsên BDP'ê yên jin jî di nav de komek jinên BDP'yî li ber deriyê Girtîgeha Tîpa E ya Amedê ji bo 2 rojan ketin greva birçîbûnê.

Greva birçîbûnê ya ku li zindanan bênavber didome îro kete roja xwe ya 47'an. Mebûsên BDP'ê Emîne Ayna, Nursel Aydogan, Cîgera Hevseroka BDP'a Meral Daniş Beştaş, Şaredara Baxlarê Yuksel Baran, mebûsa Parlemena EWropayê ya berê Feleknaz Ûca, Hevseroka BDP'a Amedê Zubeyde Zumrut û Dayikên Aştiyê jî di nav de komek jin ji bo balê bikişînin ser grevên birçîbûnê li ber deriyê Girtîgeha Tîpa E ya Madê dest bi grevê kirin.

Hevseroka BDP'a Amedê Zubeyde Zumrut daxwaza girtiyên di greva birçîbûnê de ne careke din anî ziman û diyar kir ku ev daxwaza girtiyan însanî û meşrû ye, ji bo ku piştgirî bidin wan dest bi grevê dikin.

Dûre Mebûsa BDP'ê ya Amedê Nursel Aydogan got ku li 64 girtîgehan nêzî 800 girtî di grevê de ne, niha di asteke xesas û krîtîk de ne.

Aydogan bang li Serokwezîrê Tirkiyeyê Recep Tayyip Erdogan jî kir û got: "Bêyî dem derbas bibe, bêyî mirin çêbibin, divê ji bo çareseriya pirsgirêka kurd cih de gav bêne avêtin. Ger bi Birêz Ocalan re hevdîtin pêk bê dê dawî li grevên birçîbûnê bê. Hemû girtiyên li girtîgehan bêyî gav bê avêtin dê dest ji greva xwe bernedin."

Piştî axaftinan mebûsan, Dayikên Aştiyê û jinên din dest bi grevê kirin.

***

Nûçeyên eleqedar:

- Mîtînga Batmanê bi beşdariya 10 hezaran dest pê kir

- Komeleya Nivîskaran: Bila her kes pêşî li mirinan bigire

- Baydemir diçe cem TUSÎAD û Yaşar Kemal

- Şivan Perwer: Li hemberî greva birçîbûnê bêdeng nemînin

- Navên hemû girtiyên di greva birçîbûnê de ne

- Nivîskar û rewşenbîran piştgirî da grevan

- Li Ewropayê çalakiyên piştgiriyê

- Bajar bi bajar çalakiyên ji bo grevê

- Zarokên Apê Mûsa jî di grevê de ne

- 41 roj in greva birçîbûnê didome

- Şaredaran piştgirî da Greva Birçîbûnê

- Kaya û Sariyildiz jî ketin greva birçîbûnê

- 36 roj in girtî di grevê de ne