Diyarname
Vê hefteyê bi navê Night at the Museum 2, My Best Friend’s Girl, Lilly The Witch û Hadîgarî Cumhur hene.

Vê hefteyê 4 fîlm ketin vîzyonê. Yek jê ji Tirkiyeyê sê biyanî. Yê ji Tirkiyeyê bi navê "Hadîgarî Cumhur" li ser Bodrumê, dîroka wê bi zimanekî mîzahî hatiye kişandin û Bodrumê bi temaşevanan dide hezkirin.

Vane fîlmên hefteyê:

Hadigari Cumhur

Derhêner: Harun Ozakinci
Lîstikvan: Harun Ozakinci, Duygu Urak, Serhat Saylan, Ersin Aycan

Hadigari Cumhur ji bavê wî jêre tenê dikaneke biçûka berberê maye. Ji xwişka wî re jî erdeke ku berê bi kêrî tişteke nedihat. Lê dema otel li wir hatin çêkirin û tûrîzm vebû, ew erdê bikêrnehatî biqîmet bû, li ser otel hate çêkirin û Hadigari Cumhur ket nav hesûdiya wê. Piştî vê êdî planên xirab ên Hadigari Cumhur ketin dewreyê.
Fîlmê ku li ser Bodrumê hatiye kişandin, carinan ji dîroka wir mînakan dide, qala nivîskarên wir dike, bi zimanekî mîzahî Bodrumê bi temaşevanan dide hezkirin.
Ji nav fîlmên vê hefteyê ev fîlm derdikeve pêş.

***

Muzede Bir Gece 2 - Li Muzeyê şevek 2 - Night at the Museum 2

Derhêner: Shawn Levy
Lîstikvan: Amy Adams, Ben Stiller, Robin Williams, Owen Wilson
Muze hatiye girtin lê nobedarê şevê yê muzeyê Larry Daley di şika tiştekê de ye û di dawiyê de xwe di nav macerayeke ecêb de dibîne. Vê carê dîrok bi rastî jî zindî bûye. Larry li nav korîdorên muzeyê di nav şerekî ecêb de ye.
Larry divê hevalên xwe yên 'bêrih' ji kuştinê rizgar bike.

***

Arkadaşımın Aşki - Hezkiriya hevalê min - My Best Friend’s Girl

Derhêner: Howard Deutch
Lîstikvan: Dane Cook, Kate Hudson, Jason Biggs, Lizzy Caplan

Dustin piştî çend rojên hevaltiyê ferq dike ku hevala wî Aleksis jê dûr ketiye. ji bo ku careke din pêre hevaltî bike ji hevalê xwe yê herî baş Tank alîkariyê dixwaze.
Tank wisa kesekî ye ku aqil ji serê jinan dibe, wisa dike ku ew ji hevalên xwe veqetin. Bi kurikên ku hevala wan dev ji wî berdaye re têkilî datîne; ji ber ku ew bi kî re têkilî deyne keçika jê hez dike vedigere cem.

***

Lilli ve Sihirli Kitabi - Lilli û Pirtûka wê ya bi sêhr - Der Drache Und Das Magische Buch - Lilly The Witch

Derhêner: Stefan Ruzowitzky
Lîstikvan: Alina Freund, Ingo Naujoks, Anja Kling, Pilar Bardem

Heta pirtûkakek sêhran, parezvanên wê ejderhayê biçûk Hector li odeyê dixuyin Lilli dibe keçikek 10 salî. Sêhrbaz ji bo navê xwe û pirtûkê teslîm bike Lilli hilbijartiye. Lilli divê di 99 saetan de bide çespandin ku layiqê vî karî ye. Dinyaya bi raz a nav pirtûkê û sêhrbazê dilxirab Hienronymus ku li dû pirtûkê ye zehmetiyan derdixe pêşberî Lilli.

***