Diyarname
Li paytexta Hollanda Amsterdamê di dîroka wê de yekem car jinek dibe şeraderê wir. Rêbera Partiya Çep a Kesk a berê Gemke Halsema ji bo Şaredariya Amsterdamê ji aliyê endamên Meclisa Şaredarî ve hat hilbijartin.
Halsema di rojên pêş de dê ji aliyê Kral Williem Aleksandir ve bi awayekî fermî bê qebûlkirin û peywirdarkirin. Ew dê 6 salan vê peywira xwe bidomîne.
Şaredarê Amsterdamê Eberhard van der Laan ku ji Partiya Karkeran bû par ji ber qansêrê wefat kiribû. Şaredarê Berê yê Laheyê Jozias van Aartsen ku lîbarelekî rastgir e ji bo demkî şaredarî bi rê ve dibir lê ev serdema wî zêde dom nekir. Di meha avrêlê de Endamên Meclisa Şaredariyê ya Amsterdamê bang kiribû ku ji bo şaredarî serîlêdan bêne kirin. Di gava pêşî de zêde serîlêdan çênebûn, lê di dora duyem de ji bo Şaredarî 69 jê mêr, 16 jin bi giştî 85 berendam derketin. Lijneya Şêwrê a
Lijneyê Halsema wekî Şaredara Amsterdamê hilbijart. Di hilbijartina meha adarê de Partiya Çep a Kesk herî zêde kurdî bi dest xistibû. Lijneyê sedema hilbijartina Halseme jî wisa eşkere kiriye: "Ew bi bajar û pirsgirêkên wê baş dizane, ew dê bikaribe li nav derdorên cuda yên civakê de yekbûyînek çêbike."
Li Hollandayê endamên Meclisa Şaredariyê ji aliyê gel ve têne hilbijartin lê şaredar bi pêşniyara meclisê ji aliyê qral ve tê peywirdarkirin.
Femke Halsema kî ye?
Femke Halsema 1966’an ji dayik bûye. Wê li Zanîngeha Utrechtê perwerdehiya zanistên sosyal xwendiye. Helsema di sala 1993’yan ji Partiya Karker tevlî nav siyasetê dibe.
Halsema di sala 1998'an de i Partiya Çep a Kesk wekî mebûs tê hilbijartin. Ew di sala 2002'yan de dibe Seroka Partiya Çep a Keskan û heta sala 2010'an vê peywira xwe didomîne. Di rêbendana 2011'an wê eşkere kir ku dest ji siyasetê berdaye. Wê jiyana xwe bi karê weşangerî û nivîskarî dom dikir. Du zarokên wê hene û ev demek dirêj e li Amsterdamê dijî.