Diyarname
Ji beşên cur bi cur ên çapemeniyê 5 nûçeyên ku derketin pêş:

Ji CNN Turkê derbasî Haberturkê bû

Spîkera jîr a CNN Turkê Başak Şengul ji CNN Turkê derbasî Haberturkê bû. Başak Şengul di CNN Turkê de dest bi nûçegîhanî kir, piştî ku Ahu Ozyurt bi peywir çû Washingtonê wê bernameya Ozyurt "Gece Goruşu" pêşkêş kir.

Şengul, Fakulteya Ragihandinê ya Zanîngeha Stenbolê xwendiye û di sala 2005'an de bi nûçeya "Li ser rêya Yekîtiya Ewropayê karkerên zarok" di beşa "Bernameya nûçeyan a herî serketî ya televîzyonê" de ji Cemiyeta Rojnamegeran a Tirkiyeyê (TGC) xelat girt.

UNESCO'yê xelat da rojnamegerek hatiye kuştin

UNESCO'yê Xelata Azadiya Çapemeniyê ya Dinyayê îsal da rojnamegerek Sri Lankayî ku hatiye kuştin.

Li gor nûçeya malpera UNESCO'yê juriyê digel ku dizanî bi talûkeyê re rû bi rû ye jî dîtinên xwe aniye cih Lasantha Wickrematunge ji bo xelata îsal guncav hatiye dîtin.

Lasantha Wickrematunge îsal di meha rêbendanê de dema diçû kar hat kuştin. Ew gerînendeyê rojnameyek bû ku şerê hikumetê ya li hemberî Tamillan reşne dikir.

Ji Tarafê 6 kes veqetiyan

Ji rojnameya Tarafê edîtorê polîtîkayê Ferda Balancar, nûçegîhana beşa çand û hunerê Funda Karakaya, ji rûpelsazkaran Derya Ozturk, Hasan Kurul, Aydan Sever û Erkan Akdogan ji rojnameyê veqetiyan. (Ji Medyatava hatiye girtin)

AP'ê paketeke qeyranê vekir

Associated Press (AP) li ser qeyranê buhaya nûçeyên xwe daxist. Ajansa nûçeyan bi vê erzanbûnê re ragihand ku malperên ku bê destûr nûçeyên wan bikar bînin dê der barê wan de dozê veke.
Ajansê got ku di sala 2009'an de 30 mîlyon dolar di buhaya abonetiyê de daxistineke pêk anî bû û ji bo sala 2010'an jî dê 35 mîlyon dolar daxistineke pêk bîne. Ajansê diyar kir ku ji ber qeyranê reklamen ku rojname digirin daketine û bi vê hewla xwe ew dikin ku alîkriya rojnameyan bikin.

AP xwedî dîrokek 163 salî ye û heta niha her aboneya wê ger bixwesta ji abonetiyê derkeve berî du salan xeber dida, lê niha biryareke nû hate girtin û aboneyên ku bixwazin ji abonetiya ajansê derên berî salekê xeberê bidin bes e.

AP, sedî 17'ê hatina xwe ji ser înternet û telefonên destan yê din jî ji çapemeniyê din bi dest dixe. Di sala 2010'an de AP dike ku vê sedî 17'yî derxe sedî 20'î.

Mehek ceza dan Atilimê

Rojnameya Atilimê bi îdîaya ku propagandaya rêxistinê kiriye bi meheke cezaya girtinê hat cezakirin. Her wiha dadgehê biryara girtina malperê (www.atilim.org) jî da.

9'emîn Dadgeha Cezaya Giran a Stenbolê bi îdîaya propagandaya rêxistina MLKP kiriye ceza li rojnameyê birî. ( Ji Bianetê hatiye girtin)