Diyarname
Nivîsgeha Çapameniyê ya Parêzgeha Hesekê têkildarî hevdîtina serokê hikumeta demkî ya Sûriyeyê Ehmed El Şeri, Parêzgarê Hesekê Endazyar Nûredîn Ehmed, nûnerê serokatiyê Ziyad El Ayiş, Parêzgarê Reqayê Ebdurehman El Selamê li Qesra Qel a Şamê çêbûye daxuyandiyek nivîskî parve kir.

Di daxuyaniyê de hat gotin ku "Civînek taybet di navbera Serok Ehmed El Şeri û Parêzgarê Hesekê Endazyar Nûredîn Ehmed, bi amadebûna Nûnerê Serokatiyê Ziyad El Ayiş û Parêzgarê Reqa Ebdurehman El Selamê de li Qesra Gel pêk hat" û wiha hat domandin, "Ev civîn piştî beşdarbûna parêzgar, digel Fermandarê Hêzên Ewlekariya Hundirîn lii parêzgeha Hesekê Merwan El-Elî û cîgirê wî Mehmûd Xelîl, di merasîma pêxistina meşaleya Newrozê de li Şamê pêk hat. Di civînê de, çend mijarên girîng ên têkildarî herêmê hatin nîqaşkirin. Li ser pêwîstiya çareserkirina pirsgirêka dîlgirtiyan û xebata ji bo valakirina girtîgehan ji hêla hemû aliyên têkildar ve hate nîqaşkirin ku baweriyê xurt dike, şert û mercên aramiyê ava dike."

Hat gotin ku li ser mijara vegera koçberên ji bajarên Serêkaniyê, Girê Spî û Efrînê jî hatiye sekininîn û wiha hat gotin, "Ji bo vê yekê biryar hat dayîn ku komîteya fermî were ava kirin ku bi mîsogerkirina vegera wan a ewle û bi rûmet bo bajar û gundên xwe were erkdarkirin. Di aliyên xizmetguzarî û perwerdehiyê de jî nîqaş hatin kirin û tekezî li ser girîngiya wê wekî kevirê bingehîn ê pêşkeftina civakî hate kirin. Rewşa heyî ya pêşketinê û rêbazên başkirina xizmetguzariyan li herêma rojhilat, bi taybetî li parêzgeha Hesekê jî hate nîqaşkirin. Gotûbêj li ser projeyên girîng, wekî kişandina avê ji Çemê Dicle bo vexwarinê û çandiniyê, xebitîna li ser aktîvkirina ava stasyona Elokê ji bo peydakirina ava vexwarinê bo bajarê Hesekê û gundewarê wê hatin kirin."

Di daxuyaniyê de hate gotin ku li ser pêwîstiya pêşxistin û parastina binesaziyê hatiye sekinin; bi taybetî tora rêyan, ji ber rola wê ya girîng di piştgiriya çalakiyên aborî û xizmetguzariyê de heye.