Diyarname
Di Lîga Şampiyonan a UEFA'yê de êvareke bi pir golan derbas bû. Di encamê de Barselona, Atletico Madrid, Liverpool û Bayer Munih jî derbasî çarîk fînalê bûn.

Rojek berê tîmên wekî S. Lizbon, PSG, Real Madrid û Arsenal derbasî çarîk fînalê bûbûn û li benda reqîbên xwe bûn. Êvara 18'ê mehê çar maçên din hatin lîstin û di encamê de 4 tîmên din derketin çarîk fînalê. Di van 4 maçan de bi temamî 23 gol hatin avêtin ku ev yek kêm caran tê dîtin.

9 GOL HEBÛN LÊ YÊ SERKETÎ BARSELONA BÛ
Maça herî b gol a Barselona û Newcastle United bû. Barselonayê 7 gol avêtin û bi 7-2'yan bi ser ket. Di maça yekem a li Îngilistanê de her du bi 1-1'ê mabûn. Ev maça rovanşê ecêb bû: Di deqîqeya 6'an de Barselo bi Raphinha derket pêş, NU'yê di deqîqeya 15'an bi Anthony Elanga bersiv da. Barselonayê piştî vê bi 3 deqîqeyan bi Marc Bernal dîsa derket pêş, piştî vê bi 10 deqîqeyan NU'yê dîsa bi Elanga bersiv da û maç hat 2-2'yan. Tam di kêliya ku nîveka yekem wisa bi dawî dibû de Barselonayê di deqîqe 40+7'an de penaltî bi dest xist û Lamine Yamalî encam bir 3-'yan.
Di nîveka duyemîn de NU nikarî tiştek bike. Barça bi golên Lopez (dq 51), Lewandowsk (dq 56 û 61) û bi gola Raphinha (dq 72) mohra xwe li şevê da.
Liverpoolê bi 4-0 Galatasaray têk bir. Bayer Munihê jî bi 4-2 Atalanta têk bir. Her ku Tottenham e, bi 3-2 li hemberî Atletico Madrid bi ser ket lê di maça yekê de bi 5-2 têk çûbî, loma nekarî derbasî çarîk fînalê bibe.
Di encamê de çarîk fînalê wisa saz bû:
- Real  Madrid - Bayer Munih
- Sporting Lizbon - Arsenal
- Barselona - Atletico Madrid
- PSG - Liverpool
Maçên yekem wê roja 7'ê avrêlê, rovanşê wan jî 14'ê mehê bene lîstin. Tîmên di van her du maçan de bi ser bikevin wê derbasî nîv fînalê bibin.

**

Nûçeya Eleqedar:

- 4 çarîk fînalîstî eşkera bî