Diyarname
Siyasetmedar, yek ji sembolên DEP'ê Selim Sadak îro mir.
Selîm Sakak bi salan di nav siyaseta kurd de cih girtibû. Di destpêka salên 90'î de ew jî yek ji HEP'iyan bû. Piştî girtina HEP'ê derbasî DEP'ê bû û ew jî yek ji mebûsên DEP'ê bû ku hat girtin. 
Sadakê ku ev çend sal bûn li Ewropayê bû van demên dawî nexweş ketibû û li nexweşxaneya Heilbronn a Almanyayê dihat dermankirin lê îro mir.

SELÎM SADAK KÎ YE?
Selîm Sadak di sala 1954'an de li gundê Bafê yê girêdayî Hezexa Şirnexê hatiye dinê. Xwendina seretayî û navîn li Hezexê xwendiye û paşê li Amedê Fakulteya Perwerdeyê Beşa Matematîkê xwendiye.
Ew di sala 1991'ê ji lîsteya SHP'ê li Şirnexê wekî mebûs hat hilbijartin. Ew û mebûsên din ên kurd ji SHP'ê veqetiyan û beşdarî HEP'ê Bûn. Piştî HEP hat girtin DEP vekirin.
Roja 2'yê adara 1994'an bi derbeyeke biryara destnedana mebûsî ya DEP'yan hate rakirin. Li ser vê yekê Selim Sadak jî mebûsên DEP'ê roja 17'ê adara 1994'an hatin girtin. Sadak ku nêzîkî 10 salan di girtîgehê de ma, di pûşpera 2004'an de beraet kir.
Sadak piştî derketina ji girtîgehê dîsa di nav siyaseta kurd de cih girt. Beşdarî DTP'ê bû. Di 2009'an de ji DTP'ê bû Şaredarê Sêrtê.
Piştî salan li Tirkiyeyê bi navê "Doza KCK'ê" li hemberî gelek siyasetmedaran doz hat vekirin û Selim Sadak jî yek ji wan bû ku doz lê hat vekirin. Ji ber vê yekê Sadak mecbûr ma Tirkiyeyê terk bike; û çû Ewropayê. Ji sala 2021'ê ve ew li bajarê Heilbronnê dijiya.