Diyarname
Komîteya Nobelê îsal Xelata Nobelê ya Aştiyê da aktîvîst û muxalifa li Venezuellayê Maria Corina Machado. Komîteyê got, "Ji bo nirxên aştî, mafên mirovan û demokrasiyê bêrawestan ked daye loma hêjayî xelatê hatiye dîtin."

Komîteyê diyar kir ku wê li Venezuellayê ji bo mafê demokratîk a gelê xwe bêrawestan ked daye û ji bo ji dîktatorî ber bi demokrasiyê ve veguherîneke adil û aştiyane çêbibe wê têkoşîn daye.

'LIGEL TEHDÎDAN JÎ JI WELAT DERNEKET'
Serokê Komîteya Nobelê Jorgen Watne Frydnes got, "Xanim Machado salek mecbûr ma xwe veşêre. Ligel gelek tehdîdên li ser jiyana wê jî, wê tercih kir ku li welatê xwe bimîne. Ev biryara wê îlham da bi mîlyonan însanan. Dema rejimên otorîter xurt dibin, tiştek girîng e mirov azadîparêzên dikevin berxwedanê bibîne."

SEMBOLA PROTESTOYÊN AŞTIYÊ
Maria Corina Machado di sala 1967'an de hatiye dinê. Di sala 2002'yan de rêxistina sivîl "Sumate" ku hilbijartinê raçav dike ava kir. Bi vê bû saziya yekem a bi awayekî zelal hilbijartinên li Venezuelayê diparêze. 
Di sala 2024'an de Machado ji bo serokdewletî bû berendam lê berendamtiya wê hat qedexekirin û wê piştgirî da berendamê muxalif Edmundo Gonzalez Urrutia. Bi vê yekê jî ew li nav welat bû sembola protestoyên aştiyane.

XELATÊN WÊ YÊN DIN
Machado berî Nobelê ji Parlemena Ewropayê Xelata Azadiya Ramanê Sakharov û ji Konseya Ewropayê jî Xelata Mafên Mirovan a Vaclav Havel girtibû.

***

Nûçeyên Eleqedar:

- Xelata Nobelî ay Edebiyatî da Krasznahorkai

- Xelatgirotê Nobelî ay Kîmya hamey eşkerakerdişî

- Xelatgirên Nobelê ya Tibê diyar bûn