Diyarname
Hin kesên nasname nediyar li Mêrsînê êrîşê nivîskar û muzîkar Yeqîn H. kirin û ew birîndar kirin.

Yeqîn H. Demek dirêj di Diyarnameyê de di quncikê "Êvara biyan" de nivîsên xwe yên wêjeyî bi xwendevanan re par ve kir. Yeqîn H. di heman demê de di nav koma muzîkê Mehabad de stranbêjî dike. Komê albuma xwe ya bi navê "Xelek" par gihandibû ber destê guhdarên muzîka kurdî.
Nivîskar û muzîkar Yeqîn H. ku li Mêrsînê dijî roja 16'ê vê mehê êvarkî li kuçeyê rastî êrîşa 3-4 kesên nasname nediyar hat. Kesên nasnema nediyar ew dan ber kulm û pihînan û ew bi giranî birîndar kirin. Yeqîn H. piştî rakirin nexweşxaneyê çend saetan li nexweşxaneyê ma û ew hat dermankirin. 
Nivîskar û muzîkar Yeqîn H. niha rewşa wî ya tenduristiyê baş e û li mala xwe bêhna xwe dide.

Li gor gotina Yeqîn H. ku ji me re got, ew li bendê ye ku di rojên pêş de diyar bibe ka kî êrîşê wî kiriye.