Diyarname
Durziyên li Swêdaya Sûriyeyê dijîn îro bang kirin ku korîdorek di navbera wan û Rêveberiya Xweser a Bakur û Rojhilatê Sûriyeyê de bê vekirin.

Ev çend roj bûn endamên HTŞ'ê ku di bin Rêveberiya Demkî ya Sûriyeyê de ne êrîşê durziyên li Sûriyeyê dikirin. Di van êrîşan de li Swêdayê ku navenda durziyan e bi sedan kes hatin kuştin.
Bi ser vê re bi sedan durziyên li Îsraîlê sînorê têlîn ê di navbera Îsraîl-Sûriyeyê de qetandin û bazdan alîkariya durziyên li Sûriyeyê. Li ser vê duh Îsraîlê li Şamê Serfermandariya Giştî ya Sûriyeyê da ber bombeyan.
Îro jî durziyan bang kir. Durzî dixwazin korîdorek di navbera wan û Rêveberiya Xweser de bê vekirin.
Rêberiya Xweser ku alîkariya hemû herêmen Sûriyeyê dike, demên berê alîkariya durziyan jî ya elewiyan jî kiribû. Dîsa rêveberî rojên bori xwestibû êrîşên li ser durziyan bêne rawestandin.

Li aliyê din ji bo kesên li Swêdayê di van sê rojên dawî de hatine kuştin şîn hat danîn.

SOHR'Ê LI SER MIRIYAN DAXUYANÎ DA
Li gor SOHR'ê (Navenda Çavdêrî ya Mafên Mirovan a Sûriyeyê) di van pevçûnên çend rojan ên li Swêdayê de 79 şervanên durzî, 55 sivîl, 189 endamên HTŞ yan jî hêzên wan ên ewlehiyê, û 18 bedewî mirine. Ligel van di êrîşa ÎsraîLê de jî 15 leşker û endamên ewlehiyê yên Sûriyeyê mirine.
 

***

Nûçeya Eleqedar:

- Bombe bi ser avahiya Serfermandariya Sûriyeyê de barandin