GIRKÊ LEGÊ

Pirtûkxaneya Ehmedê Xanî yek ji navendên perwerde û zanistî yên bajarê Girkê Legê ye. Pirtûkxane pirtûkan diyarî xwendevanan dike û piştî dixwînin şûnve dizîvirînin.

Pirtûkxaneya Ehmedê Xanê di 29'ê kanûna 2013'yan de ji aliyê konfederesyona Xwendekarên Kurd ên Welatparêz ve bi derfetên herî kêm li bajaroka Rimêlan a Girkê Legê hate vekirin. Niha di pirûkxaneyê de 9 hezar pirtûk ku li ser 22 beşên mîna dîrok, zanist, helbest, ol û şerîeta îslamê, spor, zarok, zanista piratîkî, wêjeya erebî, çand, şêwekarî, zimanê kurdî, jin, zansista civakî, perwerde, siyaset û hwd… hatine dabeşkirin. Di pirûtkxaneyekê de beşek taybet ji bo pirtûkên Rêberê PKK'ê Abdulah Ocalan hatiye vekirin.

Rojane bi dehan kes serî li pirtûkxaneyê didin û pirtûkan dibin, piştî ku xwendevan pirtûkan dixwînin careke din vedigerînin cihê wan. Derbarê xebatên pirtûkxaneyê de Endama Rêveber a Pirtûkxaneya Ehmedê Xanî, Lêgerîn Xanî diyar kir ku pirtûkxaneya wan cihê lêvebera hemû xwendekaran e û teqez kir ku rojane bi dehan xwendekar serî li pirtûxaneyê didin. Lêgerîn Xanî da zanîn ku komîteya wan hemû pirtûk bi awayekî sîstematîk arşîv kirine. Lêgerîn da zanîn ku ji bilî pirtûkan ew semîner û civînên çandî lidardixin. Di dawiya axaftina xwe de bang li hemû xwendekar û rewşenbîran kir ku tevlî semîner û civînên wan bibin.

ANHA