Qamişlo

Komîteyên Embar û Aşan a Bakur û Rojhilatê Sûriyeyê xebata xwe ya girtina gerim a ji cotkaran didomîne. Li gor agahiya komîteyê heta niha 282 hezar ton genim ji cotkarna girtiye. Ji bo dayîna pereyên cotkaran jî xebat didome

Komîte ji meha borî, 5'ê mehê ve dest pê kiriye u ji cotkaran genimê digire. Ev xebat heta 10'ê tîrmehê dê bidome.

Komîteyê da zanîn ku heya niha li 20 embarên li seranserî herêmê zêdetirî 282 hezar ton genim ji cotkaran hatiye wergirtin.

Li gorî komîteyê, kalîteya genimê îsal li gorî par daketiye û sedema vê yekê spart rewşa dijwar a avhewayê, kêmbûna baranê  û bilindbûna pileya germahiyê ku bandoreke neyinî li çandiniyê kir.

Komîte tenê genimê îsal hatiye çandin digire, yên berê embarkirî nagire.

Li aliyê din Nivîsgeha Dirav û Dayînan a Navendî jî xebatên dayîna pereyên cotkaran a ji bo genim didomîne. Nivîsgehê ji bo vê yekê li bajarên Dêrik, Qamişlo, Hesekê, Reqa, Tebqa, Kobanî û Dêrazorê navend erkdar kirine û li van deran dayîna pereyan ji bo cotkaran didome.