NAVENDA NÛÇEYAN
Li Silêmaniyê komek mamostayên nerazî yên Silêmaniyê daxuyaniyek têkildarî xwepêşandanan û kesên hatine binçavkirin weşandin û bi çend xalan daxwaz û hişyariyên xwe ragihandin. Mamosteyan got: "Eger pirsgirêk çareser nebin, wê qonaxa duyemîn a xwepêşandanên medenî dest pê bikin."
Di daxuyaniyê de wiha tê gotin: "Ji destpêka sala 2015'an ve mamostayên nerazî, karmend û welatî nerazîbûnên xwe tînin ziman û daxwaza çareserkirina pirsgirêkên Herêma Kurdistanê, krîza darayî û mûçeyan dikin. Tu carî nexwestine ku rewş ber bi tundîtiyê ve biçe. Lê hikumet û desthilat daxwazên wan li ber çavan nagire û guh nedan hêrsa gel. Niha rewş gihîştiye wê astê ku bi çek bersiva xwepêşanderan bidin. Ji vê rewşê jî hikumet û desthilat berpirsyar e.”
Di dawiya daxuyaniyê de mamosteyan daxwaz û hişyariyên xwe bi çend xalan rêz kirin;
1- Em sersaxiyê ji malbatên şehîdên Ranyeyê re dixwazin û şifayê ji hemû birîndaran re dixwazin.
2- Em tundiya li dijî xwepêşandêran, şehîdkirina xwepêşaderan û binçavkirina wan şermezar dikin.
3- Em daxwaza berdewamkirina boykotê li tevahî mamosteyan dikin û dibêjin, dewamê rawestînin. Şerm e ku mamoste dema hevalên wan hatibin binçavkirin û şehîd kirin, ew bêdeng bin.
4- Em daxwazê ji hikumetê dikin ku ji bo çareserkirina krîzan bikeve tevgerê. Eger hikumet nikare gav biavêje, divê hikûmetê hilweşîne.
6- Daxwaza pêşxistina xwepêşandanên medenî dikin û dibêjin, divê hêzên çekdar yên ewlekariyê ji nava bajêr vekişin û destwerdanê nekin.
7- Eger pirsgirêk neyên çareserkirin, wê xwepêşandan û zextên medenî di zûtirîn demê de derbasî qonaxa duyemîn bibin. Emê di dema duyem de boykota giştî bi fermî di civîna çapemeniyê de ragihînin.
8- Ji ber ku ambargoya ragihandinê li ser me ye û hêzên ewlehiyê rê nadin bi tu awayî çend mamosta bên li gel hev û binçav dikin, me ev daxuyaniya xwe li ser tora civakî weşand."
Ji Rojnewsê hatiye girtin
**
Nûçeyên Eleqedar:
- Goran û Komeleyê daxuyaniyek hevbaş dan
- Çalakiyên li Başûr didomin (21'ê mehê)
.jpg)
.jpg)
