Diyarname
Di Lîga Şampiyonan a Kendavê de duh Duhoksporê tîma Erebistanê Al-Ettifaq bi 1-0 têk bir û derket fînalê. Yekem car e tîmeke kurdan derdikeve fînalê.

Lîga Şampiyonan a Komên Kendavê yên Ereb (AGCFF Gulf Club Champions League) cara yekê di sala 1982'yan de hatiye li dar xistin. Heta sala 2015'an 30 caran hatibû lîstin, lê ji wê demê ve heta niha nehatibû lidarketin. Ev 31'emîn car e wekî serdema 2024-2025'an li dar dikeve. 
Federasyona Fûtbolê ya Kûpaya Kendavê ya Ereban vê tûrnûvayê li dar dixe û 8 welatên endam beşdar dibin. Yek ji wan welatan jî Iraq e. 
Tîma Duhoksporê li ser navê Iraqê di tûrnûvayê de cih girt. Di maça yekê de Duhokê li Erebistana Siûdê bi 1-0 Al- Ettifaq têk biribû, di maça duh de heta deqe 90+5 maç 0-0 bû. Di vê kêliyê de lîstikvanê Duhoksporê Peter Gorgis golek avêt û Duhokspor bi 1-0 bi ser ket. Ri vê maça nîv fînalê de Duhokê reqîbê xwe têk bir û derket fînalê. 
Di fînalê de ew dê ligel tîma Lîga Premier a Kuweytê Qadsia SC bilîze.
Tîma Kuweytê Qadsia di nîv fînalê de tîma Al Nasr Dubai têk biribû û hatibû fînalê.
Fînal jî wê wekî du maç li dar bikeve. Maça yekem wê roja 8'ê avrêlê saet 12'yan de bê lîstin. Maça duyemîn jî 15'ê avrêlê saet 12'yan de li Duhokê bê lîstin.