Amed
Tam bi temamî 37 roj berê li Fûara Pirtûkan a Amedê polîsan 5 pirtûk desteser kiribûn. Desteserkiribûn lê der barê pirtûkan de qedexe tune bû. Paşe çi bû? Paşê dadgehê biryara qedexeyê da.

Li ser vê yekê Abdurrahman Gok di MA'yê de nûçe çêkir. Li gor nûçeyê dadgehê piştî 37 rojên destdanîna ser pirtûkan biryara qedexekirinê derxistiye.

Nûçe wisa dibêje, "Li gel ku tu biryarên komkirinê nebûn jî, polîsan dest danîn ser pirtûka Hatîp Dîcle ya “Rojnivîska Berxwedana Efrînê (Efrin Direniş Günlüğü)” û pirtûka Mahmût Aba ya “Dildarên Serkefinê”. Bi ser desteserkirina pirtûkan re 37 roj derbas bûn û hêj nû biryara komkirina pirtûkên behsa xeberê hate dayin. Di îdianameya pêşkeşî 2’yemîn Dadgeha Cezayên Sulhê ya Amedê hatiye kirin de hat gotin ku dema pirtûk hatin desteserkirin, tu biryarên komkirinê nebûn."

Li gor nûçeya MA'yê, pirtûkên din ku biryara qedexeyê ji bo wan hatiye derxistin jî ev in: "Heman dadgehê, ji bo pirtûka Mekiye Derya Denîz a “Jinbûn (Kadın Olmak)” a ji Weşanxaneya Nameyê derketî, pirtûka Pîrhad Amed a “Wê Roj Bê” ya ji Weşanxaneya Helbestê derketî û pirtûka Huseyîn Kalkan a “Pirtûka Burhan: Min Ruhê Xwe li Wan Xakan Hişt (Burhan’ın Kitabı: Ruhumu O Topraklarda Bıraktım)” a ji Weşanxayena Avestayê derketî jî biryara komkirinê da. 

**

Hin nûçeyên eleqedar:

- 'Pirtûka Burhan' jî hat komkirin

- Weşangeran destdanîna ser pirtûkan şermezar kir

- Li Fûara Amedê dest danîn ser pirtûkek din jî

- Seta pirtûkên di Pêşbaziya Arjen Arî de bi ser ketin çap bû

- Polîsan dest danî ser 3 pirtûkan