Diyarname

Komeleya Nivîskaran PEN'a Tirkiyeyê eşkere kir ku Xelata Helbestê ya 2023'yan didin Bariş Pirhasan. 18'ê mehê li TUYAP'a Îzmîrê dê xelatê bidin Pîrhasan.

Komeleyê ev daxuyanî belav kir: "Bêyî ku bikeve nava qelebalixê wekî yek ji qelebalixê nivîsî. Ger jiyaneke helbestê hebe helbestek jiyanê jî heye. Wî çespand ku di lîstikê de şikleke rastiyê heye. Her çiqas her nenivîse jî fikra helbestê her gav gihand her derê. Dîrok xirab e. Hay ji vê yekê hebû û bi vî awayî dest bi helbestê kir. Yek ji pêşengên helbestê yên salên 70'yî ye. Ew wekî pêşeng, xweser û helbestvanekî taybet hat bibîranîn. Helbestvanekî/e baş di helbestên xwe de helbestvanên din jî dihebîne. Di helbestên wî de Orhan Veli jî, Ece Ayhan jî, Metin Eloglu, Ergin Gunce jî heye. Ma jixwe em ligel hinên din nabin xwe bi xwe? Wî helbestên ku rûyê helbestê dikenîne, xwendevanan ji kenê dide girîn nivîsandin."

Bariş Pîrhasan kî ye?

Bariş Pîrhasan di sala 1951'ê de li Stenbolê hatiye dinê. Helbestvan, derhêner û senarîst e. Di sala 1976'an de li Zanîhgeha Bogazîçi beşa Ziman û Wêjeyê ya Îngilîz xwendiye. Di gelek kovar û rojnameyan de nivîsiye. Gelek helbestên wî bûne stran jî.

Di sala 1983'yan de ketiye nava sînemayê jî. Senaryoya fîlmên wekî "Adi Vasfiye", "Aaahh Belinda", "Degirmen", "Asiye Nasil Kurtulur", "Kadinin Adi Yok" û "Bekle Dedim Golgeye" nivîsandiye. Li Festîvalên Enqere, Antalya û Stenbolê xelat girtiye.

Ew kurê nivîskar û şoreşger Vedat Turkalî ye.

Foto: Tayfun Çetinkaya / Haberturk