Diyarname
Burhan Karadeniz rojnamegerekî kurd bû. Di salên 90'î de wekî gelek rojnamegerên kurd rastî êrîşê hat û bi birîndarî rizgar bû. Karareniz çû Ewropayê, piştî salan li wir mir. 

Piştî mirina wî rojnameger Huseyîn Kalkan bi navê "Burhan'in Kitabi" (Pirtûka Burhan) pirtûkeke li ser wî amade kir û pirtûk di sala 2009'an de ji Weşanên Avestayê derket. 

Di pirtûkê de kesên wekî Sibel Akkulak, Mehmet Aktaş, Gunay Aslan, Hasan Bildirici, Nejdet Buldan, Lutfu Bulutoglu, Dara Cibran, Faysal Dagli, Mahmut Guneş, Huseyin Kalkan, Baki Karadeniz, A. Kadir Konuk, Recep Maraşli, Cahit Mervan, Cindi Onur, Orfi Perwane, Sezai Sarioglu, Mehmet Sebatli û Kadriye Yalniz li ser Karadeniz nivîs nivîsandine.

Çapa diduyan a nû ya berfirehkirî di sala 2023'yan de ji Avestê derket. Û niha ev pirtûk hat berhevkirin. Van mehên dawî gelek pirtûk hatin qedexekirin, "Pirtûka Burhan" jî li van hat zêdetirin.

Heta niha tu biryara berhevkirin an qedexeyê der barê pirtûkê de derneketibû. Piştî çapa diduyan bi du salan 14'ê vê mehê 2'yemîn dadgeha Sulh Cezayê ya Amedê biryara "qedexeya çapkirin, belavkirin û destdanîna ser yên çapkirî" da.

Burhan Karadeniz kî ye?
Rojnameger Burhan Karadeniz di sala 1973'yan de li Amedê hatibû dinê. Sala 1991'ê de li Yenî Ulkeyê dest bi karê rojnamegerî kir. Dûre Ozgur Gundem derket, Karadenîz li wir dest bi kar kir. Di meha gelaweja 1992'yan de rastî êrîşa guleyan hat. Ji ber guleyan felç bû, ji wê demê ve li ser kursiya bi teker jiyana xwe dom dikir.
Karadenîz çû Ewropayê, li Almanyayê bi cih bû. Li wir di Ozgur Polîtîkayê de xebitî, dûre di MED TV de bernameya "Mavî Vazo" amade kir. 1999'an de bernameyeke bi navê "Sûretên Jiyanê" amade kir.
Di sala 2003'yan de li mala xwe mirî hat dîtin.