Diyarname
Di 24 saetan de li Rojava û Sûriyeyê çi qewimî? Çi derket pêş? Îdîayeke li ser Mezlûm Ebdî jî derket holê. Va ne di 24 saetan de agahiyên li Rojava û Sûriyeyê...
ÎDÎAYA MEZLÛM EBDÎ
- Channel 8 ku navendê wê li Silêmaniyeyê ye vê êvarê, nûçeyek belav kir û got ku Serfermandarê HSD'ê Mazlûm Ebdî ligel Nûnerên Amerîka û Fransayê diçe Şamê. Di civînê de ligel Ebdî, nûnerên koalîsyonê, dê Serokê Pêvajoyên Leşkerî yên Sûriyê Ehmed Şer (Mihemed Colanî) jî hene. (Channel ()
Ji bilî vê îro notên derketine pêş:
- Ebdî ligel eşîrên mezin ên herêma Dêrezor û Hesekê civiya. Di civînê de rayedarên koalîsyonê jî hebûn.
- Yek ji îdîaya îro nava rojê derketiye pêş jî ew e, tê gotin li aliyê bakurê Firatê SDG, li aliyê başûrê Firatê HTŞ serdest be, bêyî bi hev re şer bikin.
- Serokê MÎT'ê (Teşkîlata îstîxbarata Milî ya Tirkiyeyê) İbrahim Kalin îro çû Şama Sûriyeyê. Kalin wê ligel Golani û Serokwezîrê Demkî yê Sûriyeyê Beşir re biaxive. (CNNTurk)
LI MINBICÊ GEL RABÛ SER PIYAN
Li dijî sûcên revandin, dizî, talankirina mal û milkan û qetilkirina welatiya ji aliyê çeteyan ve xelkê bajarê Minbicê xwepêşandan li dar xist. Di dîmenên li ser medyayên dîjîtal de hatine belavkirin, nerazîbûna şêniyan li dijî van sûcan û mezinahiya beşdariya wan eşkera dibe.
BENDAVA TIŞRÎNÊ
- Bendava Tişrînê ku di destê HSD'ê de ye rastî êrîşa HTŞ'ê hat. HSD'ê ew parast, lê dibêjin ji ber domkirina êrîşan talûkeya teqîn an hilweşîna bendavê heye.
Li aliyê din tê gotin ku DYA-Koalîsyon li ser Bendava Tişrînê û pira Qerekozakê hevdîtin-muzakere tê kirin. 
Îdîayeke din hate vegotin: Çekdarên her du aliyan dê ji Bendava Tişrînê vekişin, tenê peywirdar li bendavê bin û wê bikar bînîn. 
WEZÎRÊ DYA'YÊ HAT TIRKIYEYÊ
- Wezîrê Karên Derve yê DYA'yê Antony Blinken îro tê Tirkiyeyê û sibê dê ligel rayedarên Tirkiyeyê bicive. Di civînê de mesele dê Sûriye û Rojava be.
- MSD: Ji bo xebata siyasî pêwîstî bi agirbestê heye
Meclisa Sûriyeya Demokratîk (MSD) teqezî bi girîngiya pêkanîna agirbesta giştî da û got ji bo bidawîkirina tundiyê da ku welat nekeve nava şerekî navxweyî pêwîstî bi agirbestê heye. MSD'ê bang li dewletên Ereb kir ku di piştgiriya çareseriya giştî ya ji bo krîza Sûriyeyê de roleleke aktîv bilîzin.
WS: ÛKRAYNAYÊ DRON DAN HTŞ'Ê
- Washington Post nivîsî: Îstîxbarata Ûkraynayê 4-5 hefte berê bi qasî 20 oreparotên dronan şandine cem HTŞ'ê (Heyet Tehrîr el Şamê) ku wan perwerde bike. Ligel vê 150 heb dron jî ji wan re şandine.

...agahî tên...