Diyarname
Îro sala nû ya perwerdehiyê li Iraqê dest pê kir. Ji bilî Herêma Kurdistana Federe li eyaletên din serdema perwerdehiyê ya sala 2024-2025'an dest pê kir. Li Kerkûkê û Mexmûrê jî serdemê dest pê kir.
LI MEXMÛRÊ DIBISTAN VEBÛN
Li Wargeha Penaberan a Mexmûrê îro bi vebûna dibistanên dayikê, seretayî, navîn û amadeyî, bi amadebûna hezaran xwedekar û mamosteyan perwerdeya sala nû destpê kir.
Berî ku xwendevan bikevin refên xwe, li her dibistanek ya wargehê sîrûda netewî hate xwendin. Piştî sîrûda netewî ya li Dibistana Navîn ya Şehîd Jiyan, li ser girîngiya perwerdeyê Mamoste Beşîr Gabarî axivî.
Li gor nûçeya Rojnewsê mamoste Beşîr Gabarî di axaftinên xwe de wiha qala wate û girîngiya perwerdeyê kiriye: “Em ne teslîmî kesê dibin û ne jî ji têkoşîna xwe tên xwarê. Helbet pêvajoyek pir giran e, lê em neçar in bi vê re jiyana xwe jî berdewam bikin. Ji perwerdeyê bigire heta jiyana rojane divê em berdewam bikin. Bê guman ev yek jî jiyanek pir giran dixwaze yanî emê hem perwerdeya xwe bibînin û hem jî têkoşîna xwe li hemberî dijmin bidin."
Mamoste Gabar qala zanistê jî kir û got, "Pêşeroja me girêdayî zanistê ye, eger em nezan bin wê dijminê me di her alî de bikaribe me, lê eger em zanabin kesek nikare bi me."
Piştî axaftina Mamoste Beşîr Gabarî, xwendevan ketin refên xwe.
LI KERKÛKÊ PERWERDEHÎ: 100 HEZAR XWENDEKAR HENE
Li Kerkûkê jî perwerdehiyê dest pê kir. Li gor agahiyên hatin parvekirin li Kerkûkê wê îsal dor 100 hezar xwendekarî perwerdehiya xwe bidomînin.
HERÊMA KURDISTANÊ PERWERDEHÎ
Li Herêma Kurdistana Federe roja 25’ê rezberê wê sala nû ya xwendinê dest pê bike.
LI IRAQÊ JÎ PERWERDEHÎ DEST PÊ KIR
Li aliyê din li Iraqê jî sala nû ya xwendinê dest pê kir. Li gor Berdevkê Wezareta Perwerdiyê yê Iraqê Kerîm Seîd, li hemû eyaletên Iraqê wê zêdetirî 12 mîlyon xwendekar dest bi sala nû ya xwendinê ya 2024-2025’an bikin.