Tabloya Debbie Harry ya ku Andy Warhol di salên 1980'yan de bi kompîtureke malê çêkiribû, piştî 40 salan hat dîtin û dê were firotin.
Debbie Harry stranbêja koma rocka ya Amerîkî Blondie bû. Andy Warhol portreya wê çêkiribû. Ev tablo, ligel dîskeke îmzekirî ya ku 10 dosyayên wêneyên dîjîtal ên Warhol tê de bûn, li eyaleta Delaware ya DYA'yê (Dewletên Yekbûyî yên Amerîkayê) hate dîtin.
Warhol ev berhema xwe bi komputereke malê ya kevin a modela Amiga 1000 çêkiribû.
Her çend Harry berê gotibû ku ew bawer dike du versiyonên portreyê hene û yek ji wan a wê ye jî, lê cihê portreyê ya duyemîn nedihat zanîn. Portreya duyemîn a ku nû hate vedîtin, piştî 40 salan li mala Jeff Bruette hat dîtin. Bruette teknîsyenê dîjîtal ê kompaniya Commodore bû.
Niha Bruette, berhema hunerî û dîska Amiga ya îmzekirî ya orjînal bi buhayê 26 mîlyon dolarî derdixe firotinê.
Stranbêj Debbie Harry di sala 2019'an de, di pirtûka xwe ya bîranînê "Face It" de bi vî awayî qala çêkirina vê portreyê kiribû, "Andy li min geriya û got ji bo nasandina kompîtura Commodore Amiga dikare li Lincoln Centerê ji bo çêkirina portreyê modelî bike yan na. Bi rastî jî çalakiyeke balkêş bû."
Dema Andy portreya min saz dikir û boyax dikir, teknîsyenan bernameya hemû rengên Warholê saz kirin.
Portreya navborî ku hunermendê amerîkî Andy Warhol çêkiriye.
.jpg)
