Di Koma E de tiştek ecêb çêbû, 4 pûan jî têrê nekirin

Diyarname
Di Euro 2024 de îro maçên dawî yên koman têne lîstin. Di Koma E de du, Koma F de jî du maç hene.
Di Koma E de tiştek ecêb çêbû
Di Koma e de her du maçên dawî hatin lîstin. Berî maçên sisêyan pûanên her çar tîman 3 bûn. Piştî maçên sisêyan pûanên her çar tîman derketin 4'an, yanê pûanên hemûyan bûn yek lê tenê 3 tîm karîn ji komê deren. Di encamê de mala Ûkraynayê xira bû.
Di Koma E de Slovakya - Romanya û Ûkrayna - Belçîka tên hemberî hev. Di vê komê de hemû tîm xwedî 3 pûanan in. Ne diyar e kîjan tîm dê ji komê derê. Maçên vê komê saet 19.00'an de têne lîstin.
Romanya û Slovakya hatin hemberî hev. Di deqîqeya 24'an de Slovakya bi gola Duda bi 1-0 derket pêş.
Di deqîqeya 37'an de lîstikvanê Romanyayê Hagi li nava xêza pêş kelehê de li erdê ket. Piştî hakêm li VAR'ê meze kir, biryara penaltiyê da. Razvan Marin encam anî 1-1'ê.
Di maça din de Belçika û Ukrayna hatin hemberî hev. Di vê maçê de deng ji golê nehat, maç bi 0-0'ê bi dawî bû.
Di encamê de hemû tîman yek pûan girt û pûanên hemûyan bûn çar. Li gor avarajê Romanya bi yekemînî, Belçika Duyemîn û Slovakya wekî sêyemînê komê ji komê derketin û çûn Dora 16'an. Di koman de gelek bi 3 pûanan dê here Dora 16'an lê Ukrayna bi 4 pûanan jî nekarî ji komê derê û vegeriya mala xwe.
Surprîz ji Gurcistanê hat
Di maçên dawî yên Koma F de berî maçên 3'yemîn Portekiz bi 6 pûanan mafê derketina ji komê bi dest xistibû. Û îro maça Portekiz û Gurcistanê hebû. Gürcistan bi 1 pûanî bû.
Gurcistanê di deqîqeya 2'yan de bi Kvaraskhelia golek avêt bi 1-0 derket pêş. Di deqîqeya 57'an de bi Mikautadze encam diyar kir: 2-0. Bi vê yekê Gurcistan gihîşt 4 pûanan û di rêza sêyemînî de derket Dora 16'an.
Maça din di navbera Tirkiye û Çekya de bû. Tirkiye xwedî 3 pûanan, Çekya xwedî pûanek bû. Tirkiye bi 2-1 bi ser ket û bi 6 pûanan wekî duyemînê komê derket Dora 16'an.
Di maça Tirkiye û Çekya de di deqîqeya 20'î de lîstikvanê Çekya Barak cara diduyan qerta zer dît û ji maçê hat avêtin. Piştî vê deqîqeyê Çekyayê bi 10 lîstikvanan maç domand.
Nîveka yekemin wekhevî xira nebû. Di nîveka duyemîn, deqe 51'ê de Tirkiye bi Hakan Çalhanoglu derket pêş. Çekyayê deqe 67'an de bi Soucekê bersiv da: 1-1.
Çekyaya ku bi 10 kesan gelek westiyabû nekarî encamê biguherîne, Tirkiyeyê di deqe 90+4 de bi Cenk Tosun encam diyar kir: 2-1.