Zekî Ozmen

Parlamana Eyaleta Brandenburg a Almanyayê biryar da êzdiyên ji destê DAIṢ‘ê rizgar bûne bi xwe bigire. Li gor biryarê dê Parlamana Eyaleta Brandenburgê bang li Parlamana Federal bike ku hikumeta navendî di vê derbarê de bikeve nava tevgerê. Lê belê eger hikumeta Almanyayê ya navendî êzîdiyên ji destê DAIṢ´ê rizgar bûne bi xwe negire, dê hikumeta eyaleta Brandenburgê hejmareke diyar a mexdûrên DAIṢ´ê bîne li eyaleta xwe bi cih bike. Hejmara kesên werin anîn nehat destnîṣankirin û biryar hat dayîn ku hikumeta navendî bersiveke erênî nede, ew ê wê demê hejmara kesên ku bînin Almanyayê diyar bikin.

Ji bilî fraksiyona partiya nijadperest a popûlîst AFD, Partiya Xiristiyanên Demokrat (CDU), Partiya Demokratên Sosyal (SPD), Partiya Keskan (Die Grunen) û Partiya Çep (Die Linke) bi yekdengî pêṣnûma erê kirin.

Di pêṣnûmayê de tê diyarkirin ku berî niha Eyaleta Baden Wurtenberg 1000 keçên êzîdî yên ji DAIṢ´ê hatibûn rizgarkirin anîne Almanyayê û mesrefa anîn, debar û rehabîlîtasyona wan girtiye ser xwe. Her wiha Eyaletên Niedersachsen û Schleswig-Holsteinê jî her yekî 100 mexdûrên DAIṢ´ê yên êzîdî di çarçoweya heman bernameyê de anîne Almanyayê û li eyaletên xwe bi cih kirine.

Li gor agahiyên di pêṣnûmaya hatiye erêkirin de niha 1600 jin û zarok ên êzîdî yên ji destê DAIṢ´ê filitî ne di kampên li baṣûrê Kurdistanê de jiyana xwe di nava trawmayê de derbas dikin. Armanca biryarê ew e ku van jin û zarokan bînin Almanyayê û ligel rehabîlîtasyonê, jiyana wan bikin nav mîsogeriyê.

Hêjayî gotinê ye ku ji destpêkê ve serpereṣtê projeya anîna jinên êzdî ya Eyaleta Baden Wurtenbergê Profesor û Psîkologê kurd Jan Îlhan Kizilhan e ku xebata wî di nava raya giṣtî û çapemeniyê de dengekî bilind vedaye.