Silêmanî

Sînemager Mensûr Kerîmiyan roja 23'yê berfanbara 2023'yan di êrîşa dewleta Tirkiyeyê ya li ser Rojava de hatibû kuştin. Kerîmiyan kurdê ji Rojhilat bû, cenazeyê wî dê bibirana Rojhelat lê rejima Îranê destûr neda. Loma jî cenaze îro li Silêmanî li Goristana Şêx Ebas bi merasimek hat definkirin.

Beşdaran diruşma "Şehîd namirin, Mensûr namir e" bilind kirin.

Li gor nûçeya Rojnewsê Waliyê Silêmaniyê Heval Ebobekir di merasimê de bû û wisa got: “Îro şîn, şerm û şikestin e, parçebûna me wisan kiriye ku ger ew lewaz jî bin, wê bi hêsanî bikarin li beramberî me biserkevin. Ji ber ku em ne yekgirtîne. Di sed salên borî de me nekariye bernameyek giştgir û nîştimanî hebe.”

Di merasimê de peyama KNK'ê, Tevgera Azadiyê, malbatên şehîdan û peyama Çand û Hunera Başûr û Komîna Film a Rojava jî hat xwendin.

Mensûr Kerîmiyan kî ye?

Mensûr Kerîmiyan di sala 1984'an de li bajarê Sine hatiye dinê. Ev nêzî 20 salan e hem wekî lîstikvan hem wekî derhêner li ser sînemayê kar dike. 

Di fîlmên wekî “Bexteweran”, “Kirêçiyekan”, “Keylan”, “El-Kadud le Bexda”, “Tava Sor û Evîna Kurd”, “B+”, “Firîna Masiyekan” de lîstiye.